Shillong, Nailur 19: Ka jingialang jong ka NRAI ka la jied biang ia u Raninder Singh ha ka sngi saitjain kum u president jong ka National Rifle Association of India (NRAI) na ka bynta ka sien kaba saw hadien ba u la pynrem ia u BSP MP Shyam Singh Yadav.
Ka election jong ka general body ka National Rifle Association of India, ka la long ha ka 18 tarik September, 2021, por 11AM, ha ka IS Bindra. Cricket Stadium, Mohali, Punjab.
Ha ka jingialang la don 59 ngut ki nongmihkhmat na ki jylla bapher bapher ha kaba 56 ki la kyrshan ia u Shri. Raninder Singh, katba 3 votes la ioh da u nongialeh pyrshah u Yadav, u ba dei u president ka Uttar Pradesh State Rifle Association.
U Kanwar Sultan Singh u la shah jied khlem da don ki nongialeh pyrshah kum u secretary general jong ka national rifle association of india, katba u Randeep Mann ruh u la jop suk khlem da don kano kano ka jingiakhun kum u treasurer.
U MP barim na Odisha u nongiasiat u ba paw u Kalikesh Narayan Singh Deo ruh u lah shah jied khlem don nongialeh pyrshah kum u Senior Vice-President katba ka la don pat ka jingiakhun ka election na ka bynta ki phra tylli ki kam Vice-Presidents ha kaba u Bah John F Kharshiing, President, ka Shooting Association of Meghalaya u la long uwei na ki kyrtong naka bynta ka kam Vice President.
Ka long ka sien kaba nyngkong bad ka burom ia ka thai lam mih ngi baroh kawei ha kaba la mih bad shah jied Vice President, NRAI na ka thain lam Mihngi.U Pawan Kumar Singh bad ka Sheila Kanungo baroh at ki la ia shah jied khlem da don jingiakhun na ka bynta ar tylli ki kam (post) joint secretary general NRAI.
Wat hapdeng ka jingshah ai mokutduma ka NRAI ka la rai ban iaid sha khmat ban pynlong ia ka jingiajied na ka jing ai mokotduma na u Yadav ha Delhi High Court, ha kaba la bud s aka jingbthah jong ka sports ministry’s ban sdang biang ia ka jingjied ia ki nongkitkam naduh ba sdang namar kajingkynthoh ka jingujor na u Yadav uba dei u Lok Sabha, MP na UP Jaunpur constituency.
Namar ba ka High Court ka khlem pynsangeh lane ai stay order ka NRAI ki la iaid shakhmat ban pynlong ia ka jingiajied ia ki nongkitkam. Ka Delhi High Court ka la buh ban shong bishar biang ha u bnai December. Ha ka mokotduma u Yadav u la kynnoh ba ka don ka “perceptible conflict of interest” ha kaba thung ia u returning officer u Mehtab Singh Gill Justice(retd).
Ha shwa ban sdan ka jingjied ia ki nongkitkam u Mr Vladimir Lisin, President International Shooting Sport Federation u la kren ia baroh ki dkhot jong ka NRAI lyngba ka video conference online ha kaba u la iaroh ia ki kam babha bad kiba rad bah jong u Raninder Singh, President NRAI ha kaban kyntiew bad ban ban pynshlur ia ka jingialehkai ia siat ym tang ha India hynrei kumjuh sha bar Ri.
U Raninder ha ka jingkren u la ong, ba ym dei ban pynkhien ia ki kyndon jong ka “National Sports Code” ia kaba ki pdiang ba bud ryntih bad u la pynpaw ia ka jingsngewnguh ba ki dang ai ka jingshaniah ha u ban kum u nongialam.
Ki phra ngut ki vice-presidents kiba la shah jied ha ka jingiathep vote ki long Ajay H. Patel, Amit Sanghi, Ashok J.Pandit, Ashok Mittal, John Kharshiing, Putul Kumari, Sushma Singh and Verinder Kumar Dhall.
Na ka bynta ka kam (post) honourary secretary, kiba lah jied khlem jingiakhun(unopposed) ki long G. Susheel, Ishwar Rohal, Kumar Tripurari Singh, Meghasham Shripad Bhangle, Moirangthem R. Singh bad u R.Ravikrishnan.
Nalor kitei haneng ka la don ruh ka jingiajied bad ka jingiakhun ka jingiathep vote na ka bynta ki Khadhynriew tylli ki kam kum ki dkhot (member) governing body ha kaba kine harum ki la sha jied u Akash Nangia, u Amarjang Singh, Ananta Kumar Sen, Atul C Barot, Gusti J Noria, Kunti Malik, Merang Jamir.
U Neil Sootinck, Paramdeep Singh Gill, Rajiv Atam Ram, Ritesh Chakraborty, Rupak Debroy, Salalith Tottempudi and Sharat Chander Singh, VC James bad u VL Hruaizela Khiangte. U Bah Neil Sootinck, General Secretary, Shooting Association of Meghalaya u la shah jied lang kum u dkhot (Member) Governing Body, NRAI.
Ia ka election la pyniaid da u Returning Officer u Justice (retd) Mehtab Singh Gill bad kum shibynta ban pynhun ia ka iing bishar la thung ruh sa uwei u nongbishar kum u Additional Returning Officer u Justice (retd) Inderjeet Singh Walia.
Ha katei ka jingiajied nongkitkam u Chander Mukhi Sharma, u secretary general ka Basketball Federation of India (BFI) u la wan kum u nongpeit pyrman na ka Indian Olympic Association (IOA) bad sa uwei u nongpeit pyrman (observer) u Adille J Sumariwalla.
U President ka Athletics Federation jong ka India u la wan kum u nongpeit pyrman na International Shooting Sport Federation (ISSF). La khot lang ban ia don lang u world No.1 trap shooter bad Olympian Ronjan Sodhi kum u nongpeit pyrman na ka kynhun ki nongialehkai ba paw khmat.
Ha kaba kut hadien ka jingiajied bad ka jingpynbna ia ka jingioh vote bad ki nongjop kiba la shah jied ia ki 36 nugt ki nongmihkhmat ka NRAI da u Returning Officer na ka bynta u snem 2021-2025 u secretary general ba thymmai u Kanwar Sultan Singh u la ong, kaei kaba ki la lah ban leh ha ka Tokyo Olympic 2020 bad kin pynkhreh ia ka Olympic 2024.
