Shillong, Lber 24: Mynta ka sngi ka sorkar Meghalaya kala thaw biang ia ki lai tylli ki “Regional Committee” ban peit bniah ia ki hynriew tylli ki jaka ba don ka jingiakam mar kylliangt bad ka Assam kiba dang sah, ka Langpih ha West Khasi Hills District; Borduar, Nongwah-Mawtamur, Deshdoomreah, Block-II ha Ri Bhoi District; Block- I, Psiar – Khanduli ha West Jaintia Hills District.
Ka Regional Committee na ka bynta ka Ri Bhoi District yn khlieh da u bah Prestone Tynsong symbut myntri rangbah ka jylla kum u shongknor, kiwei ki kdhot ki long u bah Sosthenes Sohtun, MLA Jirang, Government Chief Whip, bah Mayralborn Syiem, MLA Nongpoh Constituency, bah Damanbait Lamare, MLA Umroi Constituency, u bah Charles Marngar, MLA Mawhati Constituency, u bah Jambor War, Executive Member KHADC (Elaka) kum ki dkhot bad u Deputy Commissioner, Ri Bhoi District kum u nongkhot ia ka jingialang.
Ka Regional Committee ka West Khasi Hills District yn khlieh da u bah Paul Lyngdoh myntri ka sorkar jylla, kiwei ki dkhot ka kommittee kin long u bah R.L. Tongkhar, MLA Mawkyrwat Constituency, u bah Methodious Dkhar, MLA Mawshynrut Constituency, u Remington Gabil Momin, MLA Rambrai-Jyrngam Constituency, u bah Gigur Myrthong, Deputy CEM, KHADC, u Bajop Pyngrope, MDC, Rambrai-Jyrngam KHADC bad u Deputy Commissioner ka West Khasi Hills District kum u dkhot ban long u nongkhot ia ka jingialang.
Ka Regional Committee ka West Jaintia Hills, the Committee yn khlieh da u symbut myntri rangbah ka jylla u bah Sniawbhalang Dhar, kiwei ki dkhot ha ka kommittee ki long u bah Lahkmen Rymbui, MLA Amlarem Constituency, u bah Nujorki Sungoh, MLA Mowkaiaw Constituency, u bah Thombor Shiwat, CEM, JHADC, u bah Aiborlang Shadap, MDC, Barato-Mukroh, JHADC bad u Deputy Commissioner West Jaintia Hills District kum u dkhot ban long u nongkhot ia ka jingialang.
Ki kyndon treikam jong ki Regional Committee ka long ba kin ia treilang bad ki regional Kommittee jong ka sorkar Assam ban ia peit markylliang ia ki shnong ki thaw kiba ka sorkar Meghalaya kam bad ki kyrteng kiba don bad ka sorkar Assam bad ban tip ia ka jingdon ki shnong ha ki jaka kaba ki don bad ia khap.
Kin peit ruh ia ka jingdon jong ki paidbah nongshong shnong ha ka jingthoh ha ka khana samari ban peit ia ki jingdon jingem kiba la register ha ki shnong ki thaw ia kiba la tei na ka sorkar Meghalaya bad Assam.
Ki Regional Committee kin leit ban ia kynduh ia ki paidbah kiba sah ha ki shnong ki thaw, kynthup ia ki nongmih khmat paidbah jong ki District Council bad kiwei ki riew paidbah ban ioh ia ka jingtip na ki briew kiba shong ba sah ha kito ki shnong ki thaw bad ban buh ryntih ha ka jingthoh na ka shnong sha ka jaka ban jan tam ba don ki jaka trei kam jong ka sorkar, ki Regional Committee ki lah ban pynrung biang ia ki dkhot lada don kam.
Haba ia dei bad ka jingdon kam ha kaba ia dei bad ka leit ka wan, ban buh jingtoh ki ophis jong ki Deputy Commissioner kin pynbiang ia ki jingdon kam bad ia ki shong shong jingialang ki Deputy Commissioner kin buh ia ka traik ban khot ia ka jingialang ban ia kren bad ia kane hap ban ia kynjoh ktien lang bad kiba na Assam.
Halor ki kaiphot kaba ki Regional Committee ki hap ban pynpoi sha ka sorkar hapoh 45 sngi na duh bala pynmih ia ka jingpynbna sorkar, hynrei kane kan long katkum ka jingleh ba kila ia kynduh ia ki paidbah, kita ki long katkum ka khanapateng, ka jingdon ki jaidbynriew ha kata ka jaka, ka jingjan sha ki jaka trei kam ka sorkar bad ka jingiajan bad ki jaka kaba ki briew ki shnong ki sah, kane ka long katkum ka jingpyntip jong u Chief Secretary ka jylla.
