Shillong, Nailur 04: Ka jingiakren hapoh ka party kam don ei ei ka long beit tang ka jingiakren ia sngewthuh beit tang nga Bah Samlin Malngniang ba du bah Renikton L Thongkhar ban ia lat iwei ia iwei. La iohi ba ka jingmih ha ki lat pathai khubor ba la jan ka por ban kylliang myntri ha ka sorkar MDA.
U Bah Samlin myntri ba dei peit ia ka tnad sam um u la ong ba halor kane la ia kren bad u president ka party u bah KP Pangniang bad nga da la de hi nga shim ia ka jingkit khlieh ban pyneit ia kane khnang ba kan nym don kano kano ka jingktah ha ka party kham tam haba ka party ka don tang ar ngut ki MLA.
Ha kane ka bynta la aiti beit ha ka jingstad jong u president ba kumno un leh ha ka party bad kaei kaba kin leh na ka bynta kata kan long kaba bha tam bad na ka liang jong nga bad u bah Renik ruh la ia kren na ka por sha ka por bad na ka liang jong u president ruh u la shim khia ia kane.
Haba ia dei bad kane ka party kan sa pynshai halor kane, la iathuh ba na ka liang jong u bah Renik ruh u la juh pynpaw ban ia ioh bynta lang bad na ka liang jong nga ruh ka long ban ai lad hynrei ia mynta kam pat long ba ia kren lano kan kut lano ban aiti hynrei ka party kan ai ia ka rai kumno leh na ka bynta kaba bha.
Halor ka jingbujli ia ki myntri sorkar ka dei ka bynta jong u myntri rangbah ka jylla kam da don kam eh ban ong, hynrei namar ba ka dei ka sorkar khleh khlawlang u myntri rangbah ka jylla um da kwah ban tuklar ia kane bad u la ong ba ka shong ha ka party ka jong ki ba kin ai da ka jingthoh lada kila sngew dei ban bujli iaki myntri nap oh ka party.
Na ka liang jong ka Party HSPDP kan dang ia shong bad dei shuh ruh ban dang pynslem shuh bad ha dien ba ka party kan ia shong pyrthat bad kaei kaba mih nangtang kan long kaba biang tam.
