Shillong, Nailar 18: Ha ka 10 tarik mynta u bnai u wei u briew la shah bat ding eletrik ha Hawakhana ha Tura namar u la kum leit tyngkhuh bad u ksainar light ba dang don light jong ka West Garo Hills District.
Ia u ne briew la pynkit sha ka Civil Hospital Tura na ka bynta ban ioh ia ka jingsumar, ha dien bala kyndit briew une u ba la shah bat light u la pynithuh ia lade kum u Hukum Miah 40 snem ka rta bad haba la kylli la phla ba u dei na ka shnong Sorabat na ka ri Bangladesh.
Kane ka jingwan rung u tei khar Bangladesh sha Meghalaya lyngba ka khappud jong ka Meghalaya bad poi sha Tura kala buh ka jingkylli kaba khraw hato u tei u briew u la ioh rung shuwa ka jingklumar ha Bangladesh ne ha dien ka jingklumar h Bangladesh.
