Shillong, Jylliew 08: Na ka liang jong ka ophis jong ka Director Health Services (DHS) jong ka sorkar jylla mynta ka sngi kala pynshai paidbah ba u Gurman Singh u dei u nongtrei jong ka tnad ka koit ka kiah jong ka sorkar jylla, ia kane ka jingpynshai la soi da u Dr M R Basaiawmoit bad hynreiw ngut kiwei pat ki doctor ban pynshisha ba ka Ambulance sorkar kala leit shaw ia u nongtrei jong ki namar u la shah kut ha Guwahati.
Ha kane ka jingpynshai nalor u Dr M R Basaiawmoit, la soi ruh da u Dr I Gatphoh, Dr SA Lyngdoh, Dr AR Marak, Dr RR Marak, Dr M Sangma bad Dr G Lyngdoh, kila pynpaw ba kane ka jingleit shaw ia u na Guwahati ka long ba ki Tourist Taxi kim treh ban kit ia u namar ka jingiaklumar ha kane ka nongbah Shillong.
Na ka liang jong u Gurman Singh u la phone sha u Dr Manoj R Basaiawmoit namar ba kim don lynti shuh namar kila shah kut ha Guwahati naduh ka 3 tarik mynta u bnai, na ka liang jong u Dr u la phah ia ka Ambulance ban leit shaw ia u ym ba ki don da kawei pat ka jingthmu namar u dei u nongtrei jong ka DHS.
Ha kane ka jingleit shaw ki don ruh kiwei kiba trei ha ki kam sorkar kiba la sah kut lang ha Guwahati bad kila wan lang ha kane ka juh ka kali bad baroh ki don khatlai ngut, ia kane ka leh ha ka kyrdan jong u District Health Medical Officer bad ia kane lah ban leh ha kano kano ka por khlemd a pyntip ruh sha u DHS.
Ia kane ka jingleit shaw ruh ym dei ban la leh tang na kane ka jylla Meghalaya hynrei kala don ruh ka jingiatip lang hapdeng ki pulit jong ka jylla Meghalaya bad ki pulit jong ka jylla Assam. Kine baroh kila poi suk sha la ki iing ki sem da ka jingsynran lang ki pulit na Ri Bhoi bad na East Khasi Hills.
Na ka liang jong u DHMO la ong ba kane ka jingleit ban shaw ia u na Guwahati la leh halor ka jingiarap para briew ia u Gurman Singh bad ia kiwei kiba ha iing namar ba u dang wan shah sumar, kane kam jingle kam don kano kano ka jingmut kaba bakla hynrei ka dei ka jingiarap ia ban poi sha Shillong namar u dei u nongtrei jong ka DHS.
