LUCKNOW, OCT 5 (UNI):- Prime Minister Narendra Modi addressing at Azadi@75 New Urban India: Transforming Urban Landscape Conference-cum-Expo in Lucknow on Tuesday. UNI PHOTO-1U
New Delhi, K.Lyngkot 10: U Myntri Rangbah Duh jong ka ri, u Narendra Modiun un plie ia ka National Youth Festival kaba 25 ha ka 12 tarik u Kyllalyngkot, 2022 ha ka por 11 baje mynstep ha Puducherry lyngba ka video conferencing. Ia kane ka sngi kaba dei ka lyngkhuhsngi kha jong u Swami Vivekananda, ngi ju rakhe kum ka National Youth Day.
Kane ka tamasa ka thmu ban ialam lynti ia ki samla jong ka ri bad pynkylla ia ki sha ka bor kaba tylli na ka bynta ka jingkyntiew ia ka ri. Ka dei kawei na ki kam kiba heh tam ha ka jingwanrah ia ka jingiatylli ha ka imlang sahlang bad ka jingmut jingpyrkhat bad ka kolshor. Ka thmu ban wanrah ia ki kolshor bapher bapher jong ka ri bad pyntylli ia kine baroh hapoh ka ‘Ek Bharat, Shreshtha Bharat’.
Mynta u snem, namar ka khlamCovid, yn pynlong ia kane ka tamasa lyngba ki lad online ha ka 12 bad 13 tarik u Kyllalyngkot, 2022. Hadien ka jingplie ia kane ka tamasa, kan don ka National Youth Summit ha kaba yn don ka jingiamir jingmut halor saw tylli ki phang.
Ha kaba iadei bad ka roi ka par jong ki samla bad ka jingpynshlur ia ki ban pynbeit ia ki jingeh jong kane ka juk mynta, kine ki phang kin kynthup ia ka mariang, ka jinglong ka suin bneng, ka roi ka par kaba iadei bad ki SDG; ka teknoloji, ka jingseng kam lajong bad ka jingsaindur thymmai, ka jingnang jingstad tynrai; ka jinglong jong ka ri, ka jingtei ia ka ri bad ka jingpyndap hi ialade.
Ia ki video capsule ba la record jong ka Puducherry, Auroville, Immersive City Experience, ki jingialehkai bad ki jingshad tynrai yn pyni ia kito kiba iashim bynta ha kane ka tamasa. Kan don ruh ka jingiakren bad ki Olympian bad ki Paralympian bad yn bteng ia kine baroh da ka jingputjingtem ha ka por janmiet. Yn pynlong ruh ia ka jingleh Yoga mynstep lyngba ki lad online.
Kum shi bynta jong kane ka tamasa, u Myntri Rangbah Duh un pyllait katto katne tylli ki jingthoh halor ki phang“Mere Sapno ka Bharat” bad “Unsung Heroes of Indian Freedom Movement”. Ia kine ki jingthoh la jiednapdeng ki 1 lak tylli ki jingthoh ba la ai halor kine ki ar tylli ki phang.
U Myntri Rangbah Duh unplie ruh ia ka Technology Centre jong ka tnat MSME, ba la seng ha Puducherryha ka jinglut kaba kot sha kumba T. 122 klur. Da kaba peit bniah ia ka kam Electronic System Design bad Manufacturing (ESDM), kane ka Technology Centre kan don ki teknoloji kiba katkum ka juk mynta. Kane kan iarap bha ha ka jingpyntbit ia ki samla bad kan lah ban ai jinghikai ia kumba 6400 ngut ki samla ha ka shi snem.
U Myntri Rangbah Duh unplie ruh ia ka Perunthalaivar Kamarajar Manimandapam–ka auditorium kaba don ka theatrehabar, ba la shna da ka sorkar Puducherryha ka jinglut kaba kot kumba T 23 klur. Ia kane ka jaka yn pyndonkam na ka bynta ki kam ai jinghikai bad kumba 1000 ngut ki briew ki lah ban don ha kane ka jaka ha kanokano ka por.
