Guwahati, Naitung 05: U Pranab Kumar Nath, Assistant Director jong ka Press Information Bureau, Guwahati u la ioh jingjop ha ka Yoga, da kaba ioh ia ka kyrdan ba nyngkong ha ka senior category ha artylli ki jingiakop leh Yoga ha u 2024.
Ka jingjop kaba nyngkong kalong ha ka 5th International Yoga Championship ba la pynlong da ka Association for Yoga and Meditation (AYM) ha Rishikesh, Uttarakhand ba la pynlong ha ka jingrakhe ia ka International Day of Yoga ha ka 21 tarik Jylliew, 2024.
Shuh shuh, u Nath u la wan ha ka kyrdan ba nyngkong ha ka senior category ha ka National Yoga Sports Championship ba la pynlong da ka Universal Yoga Sports Federation, ha Coer University ha Roorkee, Uttarakhand ha ka 29-30 tarik Jylliew 2024.
U Pranab Kumar Nath u dei na Karimganj District jong ka them Barak ha Assam bad u sah mynta ha nongbah Guwahati. U la ioh jingiaroh na baroh namar ki jingnohsynniang jong u sha ka yoga.
Ha ryngkat ki jingjop ha ka yoga, u trei kum u Assistant Director jong ka Press Information Bureau ha Guwahati hapoh ka Tnat Information and Broadcasting jong ka Sorkar Pdeng.
