Shillong, Nohprah 01: Ka jingpynjlan shuh ia ka kynhun tohkit sa khatsan sngi, ban tohkit ia ki jingjia kiba la wan rah ia ka jingiakhih ha katei ka skulbah North Eastern Hill University u Prof. Prabha Shankar Shukla ym pat lah ban wan shimti ia ka kam Vice Chancellor ia mynta.
U Prof. Prabha u la shim shuti naduh ka 17/11/2024 haduh ka 29/11/2024 namar kala on ka jingtohkit kumba la thung da ka tnad pule puthi ka sorkar pdeng halor ki jingkynnoh pyrshah ia u kiba la wan rah ki jingiakhih ki samla pule.
Ka jingai por 15 sngi ban thohkit kala kut noh bad ka kommittee kaba ar ngut kaba la khlieh da u Prof. DP Singh la panpor biang bad ka tnad pule puthi ka sorkar pdeng kala mynjur ban pynjlan.
Da kane ka jingpynjlan biang ia ka kynhun tophkit sa 15 sngi, kala khanglad ia u Vice Chancellor ban wan shimti biang ia ka kam VC ha NEHU la shai ka sngi katba ka jingtohkit kam pat lah ban pyndep.
U Prof. Prabha ha ka por ba u la shim shuti u la kren shai ba lada don kam ban pyndang pynjlan shuh ia ka shutio jong u lah ban pynjla lada don kam, ban pyniaid ia ka skul bah shipor la thung ia u Prof. Nirmalendu Saha ban peit shipor ban pyniaid.
