Shillong, Risaw 08: Ka thain tyrna kaba don sha surok sohra kala khring ia ki nongleit jngohkai pyrthei na kylleng jong ka Ri India namar ka don ka jingkieng diengjri kaba ar mala ha katei ka thain. Ha ka shisngi ki briew kiba leit kais ha katei ka jaka kan nym duna ia ka 2000 ngut man ka sngi.
Haba u SP News Agency u la ioh ban ia kren ia ki briew na katei ka thain kila ong ba ka jingpoi ki nongjngohkai pyrthei kala bun shisha katba dang mih ki sngi bad ha katei ka thain Tyrna kila don ar tylli ki iing basa.
U wei na ki riew rangbah ka tei ka thain u bah Pdianglad u la iathuh ba ka jingud jong ki briew haba ki poi sha katei ka jaka ka dei ia ka surok namar ka jingsiew jong ka surok ka long sha ba palat naduh Mawmluh sha Tyrna ter ter sha Mawlong.
La iathuh ba kane ka surok Mawshamok ka hap hapoh jong ka Shella Konstitwensi bad la ong ba kane ka surok ka long kaba sniew haduh katta katta, wat hapdeng ka jingsniew jong ka surok ki nongleit jngohkai pyrthei sha katei ka jaka ki poi da ki hajar man ka sngi.
