Shillong, Naiwieng 10: Ka seng ACHIK kala phah da ka jingujor sha u Additional Chief Engineer ka tnad PHE kaba don ha Tura bad la kynnoh ba la pyntrei kam troti ia ka skhim JJM ha ka shnong Dichinggre.
Ka seng ACHIK ha ka shithi kaba la phah sha u Additional Chief Engineer kala kynnoh ba ka jingtrei kam long kaba hun bad la kyntu ia ka tand sam um ba kan leh ei ei kaba pynbeit ia kane ba ki paidbah kin ioh ia ka jingmyntoi.
Ka seng ka kyntu ba kano kano ka jingtreikam dei ban long kaba biang ba ki paidbah ioh ia ka jingshaniah na ka sorkar namar ka skhim JJM ka long ban pynioh ia ka um bam umdih sha ki paidbah jong ki shnong bapher bapher.
Ka seng ACHIK ka kyntu ia u Additional CE ban tuklar lem ia kane ka kam na ka bynta ka jingbha bad ki paidbah kin myntoi ba ki nongshong shnong jong ka Dichingre kin ioh ia ka jingmyntoi na kane ka skhim JJM.
Ia ka shithi la soi da u Kebil A Sangma Co-Chairman North Garo Hills, Kronosh B Sangma President ka Dadenggre Regional Unit bad u Akber M Marak General Secretary Dadenggre Regional Unit.
