Shillong, Kyllalyngkot 29: Ka Khasi Student Union South Khasi Hills District mynta ka sngi kila wan ban ia kynduh ia u CEM ka KHADC u bah Pyniaid Sing Syiem ban ujor halor ka jingpynlong iew ha Lubia kaba dhap hapoh ka Elaka Mawlong.
U President ka KSU south Khasi Hills District u bah Reebokstar Diengdoh u la ong ba ka jingpynlong iew ha Kalibari ha ka na ka liang ka KSU ka la ai ruh da ka jingujor ha u sordar hynrei na ka liang u Sordar umshlym la leh ei ei kumta na ka liang ka KSU south Khasi Hills ka lwan ban ai da ka jingthoh ha u CEM ka KHADC.
Ka KSU South Khasi Hills ka la airuh ka jingujor ha ka ba iadei bad ka jingioh ban shna lait luid ia ki jaka mane Blei khem da ioh kano kano ka jingthoh ne NOC ha kaba kine ki jaka mane Blei ki don ym duna na ki shiphew tylli ki ha ka ban ka liang ka seng ka la buh ia ka jing kyrpad ia u CEM ba u dei ban leh ei ei halor kine kija ka mane Blei.
U bah Diengdoh u la ong ba na ka liang ka seng ka wan ruh ban ai ka jingujor ia u Syiem ka Hima Sohra ha ka ba iadei bad ka jingbym lah ban leh eiei ka Hima ha ka ba iadei bad ka jingshah thombor jong u pait ka Hima ha kiwei pat ki jaidbynriew.
khamta ka jingshah knieh jubor kija ka kiputa jong ki paidbha ha kiwei pat ki jaidbynriew. U la ong ruh ba ka jingwan ban buhai shnong jong kiwei pat ki jaidbynriew ha poh Majai ban ia khaii laitlan khlem da ioh ia ka Trading Licence na ka KHADC.
U bah Diengdoh u la ong ruh ba na ka liang ka seng KSU ka la ai ruh ka jingujor halor ka jingai NOC jong u syiem ka Hima Sohra ia kawei ka long iing ki bymdei ki khasi ban shna ia ka Hotel hapoh Majai ha kaba kane ka long beain ha kaba u Syiem ka Hima Sohra u la pynkhei ia ki Kyndon ain jong ka Land transfer Act 1971.
kumta na ka liang ka KSU ka la kyntu ia u CEM ba u dei ban leh eiei halor kane ka bynta. U la ong ruh ha ka ba iadei bad kane ka bynta na ka liang ka KSU kala ai ka jingujor ujor ha u Syiem ka Hima Sohra hynrei na ka liang ka seng kam shym la ioh kano kano ka jingpynshai ne ka juba halor ka ne ka bynta na u syiem ka Hiam Sohra.
Ha ka ba iadei bad ka Ramakrishna Mission kaba na ka liang ka seng ka buh ka jingkylli halor ki ba wan ban trei hakane ka Mission namar ba kibor ba pyniaid jong kane ka Mission kila issue ia ki NoC sha kine ki bar Jylla ki bat rei hapoh ka ne ka thain khlem da ioh ia ki kot kisla kiba ba ka ophis ka District Council.
Kumta na ka liang ka KSU ka la kyntu ia U CEM ba u dei ban leh eiei khamtam ba dei ban da pyrkhieng bha ha ka ba iadei bad ka jingai NOC ne Trading License sha kine ki bar Jylla namar ba bun ki kam ba ki samla Khasi ki la lah ban trei.
