Shillong, Jymmang 10: Ka KSU Umdohlun Circle ba
d ka KSU Nongmluh Unit ki la pynpaw iaka jingpyrshah jur halor ka jingpynjah ia u khaw rashon haki saw tylli ki shnong jong ka thain da u wholesaler na bynta u bnai Lber bad Nohprah jong u snem 2019.
Kine ki saw tylli ki shnong ba la shah pynduh ar bnai mynshem snem ki dei ka shnong Nongmluh, Mawphansaw Mawmynsor bad Thnangbyrniang. Naka liang jong ka seng hadien ba ka la ioh jingtip ia kane ka la leit ban ia kynduh ia u Fair Price Shop Dealer ban tohkit bniah bad ngi la lap ba ia une u khaw ym shym la pynpoi hi sha u dealer da u Wholesaler.
Ka seng ka sngewdei ban pynrem jur halor kane ka bynta ia u wholesaler ba uba la pynjah ia ka bhah kaba dei jong u paitbah kiba dei ki nongshongshnong jong kine ki 4 shnong . Kane ka dei ka jingniewbein iaki paitbah ka thain bad daleilei ka seng kan nym ailad ba kum kine kiei kiei kin shu jahrngai noh khlem bad dei halor kane ngi la ujor sha ka Deputy Commissioner jongka South West Khasi Hills District.
Ka KSU ka dawa naka Deputy Commissioner bad iaka tnad Supply jong ka South West Khasi Hills District ba ki dei ban pynbeit mardor ia kaba kum kane ka kam khamtam ha kaba kum kane ka por ba ki paitbah ki don hapdeng ka jingkutlad bad ki jingkyrduh.
Ki dawa ia u wholesaler ba u dei ban pynpoi noh ia baroh u khaw ba dei ban poi sha kine ki saw shnong bad ban pynshai ruh ba balei u khlem lah ban pynpoi iaka bhah jong u paitbah ka dong ka thain haki ar bnai jong u snem ba la dep.
Ha kajuh ka por ka seng ka kyntu iaki ophsiar jong ka tnad supply ba ki dei ban peitbniah iaka jingwan poi ki marbam rashon hapoh ka dong ka thain nang ne shakhmat ym ban shu lehsting kumba long baroh shikatta khnang ba kan nym don ka jingshim pisa tam haka nongrim jong ka bai Kali ne bai daju bad ba Kan nym don ruh ka jingot kilograms ia ki marbam rashon na kudam FCI ia ki wholesalers, daki wholesalers ia ki dealers bad daki dealers iaki paitbah.
Lada naka liang ki bor District Kim lah ban pynbeit halor kine ki bynta ka seng kam banse ban hap shim da kiwei ki lad ki lynti nangne shakhmat. Kane ka dei ka kyrwoh na u samla Dusterwell K. Lyngdoh, President, KSU Umdohlun Circle bad u samla Daman Syrman, President KSU Nongmluh Unit.
