Shillong, Nohprah 24: Kawei ka kynthei kala u jor sha ki pulit na kala iatrei bad kawei ka Telegram Channel kaba la tip kyrteng kum ka ‘Coindx Digital Marketing” ha ka jingpeit jong u wei u briew bala tip kyrteng kum u Aarush ha kaba u la ai ki kam ban trei online.
Kane ka kam kaba la ai ban trei ka long ban buh ia ki kyrdan jong ki Restaurant ki don ha kano ka kyrdan, ha dien u nongpyniaid ia kane ka Digital la pynithuh sha kiwei ki kam bei pisa ba dup ioh shuh shuh ki jingmyntoina ka jingtrei bad ban pynthikna ia ka jingtrei jong ka.
Halor katei ka jingkular katei ka kynthei kaba la ujor sha ki pulit kala kala thep ia ka pisa T.56,572/- tyngka bad ha dien ba kala dep ban thep ia ka pisa, ka tei ka kynthei kala shem ba kala shah shet kumta kala ujor ia kane ka jingjia sha ki pulit.
Ha kawei pat ka jingjia ka Nemneikim Hoakip ba shong ba sah ha ARC Happy Valley kala ujor sha ki pulit ba ki briew bym tip kila tuh ia ka Scotter jong ka kaba don ia u number ML-05Y-3293 na iing sah jong ka.
Ki paidbah kila ioh ban bat ia u wei u briew katba u dang mut ban tuh na iing jong u Rudra Prassad Aryel ha Jhalupara, ki paidbah kiba iohi ia kane ka jingpyrshang tuh jong u wei u briew na katei ka iing kila bat noh namar ka jingisuba ia ka jingleh ka jong u.
