Shillong, Mynta ka sngi ka seng ki nongbylla ka Meghalaya People’s Labour Union (MPLU) kala ia kynduh ia u Chief Executive Member jong ka KHADC u bah Pyniaid Sing Syiem ban ujor ba bun ki nongtrei ha Export Promotion Industrial Park(EPIP) ha Ri Bhoi District kim don ia ki kot ki sla kiba biang.
Katei ka seng hapoh ka jingialam jong u O Thogni bad u bah Basaiawmoit ha ka jingiakynduh ia u CEM kila ong ba hapoh ka jong ka EPIP, 13-Miles bad hapoh ka Raid Marwet ka seng ka shem ba bun buh ki bar jylla kim don ia ka Labour Laisen bad ia ki Trading License.
Ha ka jingthoh kaba kila ai sha u CEM kila kdew ba ki nongtrei bylla ha ki Coke Factory ha Shallang, kiba trei ha Borsora, Bagli, Cherragaon ha South West Khasi Hills District kiba bun kim don ia ki trading laisen bad ki Labour Laisen.
Kane ka jia ruh ha Ichamati, Kalibari, Majai hapoh jong ka East Khasi Hills District kiba bun kiba trei ha katei ka jaka kim don ia ka trading laisen ne ki labour Laisen, ban teh la kam ia kane ka seng ka tyrwa sha ka KHADC ba kin long kiba la koi ban ia treilang bad ka seng halor kane.
