Shillong, Risaw 21: Ka KSU mynta ka sngi kala wah ia ki banner ha kylleng jong ka sor Shillong bad ha kine ki baner kila thoh shai ba ki Begali kiba don ha Meghalaya ki dei ki Bangladeshi, ia kane ka jingwah wah ia ki baner kala sdang na Motphran ter ter sha Police Bazar sha duh Laitumkhrah.
Katba ha Ri Bhoi na ka liang jong ka KSU North Khasi Hills kala pynlong ia ka jingialum ha 20 mer ha Ri Bhoi District ban ap ia ka jingwan jong kita ki nongialam ka ABYSO ban thmu leit sha Ichamati ha kaba ka sorkar kam shym la ai jingbit.
Ha Sohra na ka liang jong ka KSU South East Khasi Hills District kala ialum ha Sohra ban pyrshah ia kane ka jingwan mushlia jong katei ka seng ia ka jingjia ha Ichamati bad na ka liang jong ka KSU ka buh ka jingkylli mano ba shim noh ia ka jingim u Lurshai Hynniewta bad la thoh ha ki banner dei ki Bengali ba dei na Bangladesh.
Ha ki banner kiba la wah mynta ka sngi la thoh ruh ba ki Bengali ki dei ban sangeh noh shisyndon ia ka jingthmbor ia ki briew jong ka jylla Mizoram, Tripura bad jong ka Meghalaya, ha ka juh ka por la wah ruh ha ki banner ba ka CAA ka dei ka hukum ban pyniap bad ki dawa ban pyntrei kam ia ka ILP ha ka jylla Meghalaya.
