Shillong, Naiwieng 24: Ka Assam Riffle kala pynlong ia ka jingiamareh ia kaba la tip kum ka “Assam Rifles Half Marathon 2024″ ha ka sien kaba saw, mynta u snem kiba la ia shim bynta ki long 1900 ngut, na ki 28 tylli ki jylla bad 3 tylli ki Union Territory, kiba ia shim bynta ki long na baroh ki rta kane ka long ban wan rah ia ka jingiatylli. Kane ka jingiamareh ka long kum shibynta jong ka “Fit India Movement”.
Ka nongiakura kaba paw bha bad kaba dei ruh ka dkhot barim jong ka Rajya Sabha ka long ka nongrah ktien kane ka kynhun ia mareh kaba la ia shim bynta ha ka jingiamareh kaba 10 km, ia kane ka jingiamareh la pynlong ha ki syntai lum ba ityynnad jong ka Laitkor ha East Khasi Hills District, kiba la wan ban ia shim bynta bun bah ki heh sorkar bad kum juh ki heh shipai na kylleng ka Ri India.
Kane ka jingiamareh ka long la bynta ha ki bynta bapher bapher, ia ka 21 km la tip kuim ka Cloud Chase of 21 Km ha kane ka jingiamareh ki don 347 ngut. Pine Path ia ka 10 Km ki don 826 ngut bad Crystal Stream ia ka 5 Km 776 ngut, ia ki nongiashim bynta la ai medal bad syrnot.
La ai ia ka khusnam sha ki 48 ngut da ka pisa kaba la kot baroh T.18.15 lak tyngka, la ai ia ki khusnam kiba kyrpang ia ki 150ngut, u nongjop ia ka jingiamareh kaba 21 km u dei u Kailash Chaudhary na ka 20 Assam Rifles na ki shynrang bad ka samla Anjali Kumari na Bihar.
Ha kane ka sngi u Air Marshal Surat Singh, AVSM, VM. VSM, AOC-in-C Eastern Air Command u la long kum u kongsan ha kaba u la sam ia ka khusnam ia kito kiba jop ha ka jingiamareh 21 km bad 10 km.
Ka kynhun shipai Assam Rifles popularly balka tip kum ka ‘Sentinels of the North East’ kaba don ia ka jingkit khlieh ia ka shong suk shongsain ha kane ka thain kala juhpynlong kum kane ka jingiamareh badkane ka long an pynsngewthuh ia ka koit ka khiah, na ka liang jong ka Assam Riffle ka ai khublei ia baroh kiba kiba la ai ka jingkyrshan ha ka jingiamareh.
