Shillong, Naitung 23: U Bah Paul Lyngdoh Executive Member ba dei peit ia ka khaii pateng hapoh jong ka KHADC mynta ka sngi u la wanrah ia ka Khasi Hills Autonomous District (Trading by Non Tribals) Rules, 2019.
Ki kundon kiba la wanrah hapoh kane ka rules kaba la wan rah mynta ka sngi hapoh iing dorbar jong ka KHADC, ki kyndon kiba kongsan eh ka long ban ioh ia ka Trading License hap ban ioh ia ka jingmynjur na u rangbah shnong da ka jingiamynjur lang jong ka dorbar, lane dei ban ioh ia ka jingmynjur na ki khlieh nongsynshar da ka jingmynjur lang ka Dorbar.
Ha kane ka rule kaba la wanrah mynta ka sngi da u Bah Paul kala kren shai ruh ia kabai laisen naduh ki kompeny haduh ki nongdie khutia ha ki dukan barit ba ria, ha kane ka rule la kdew ruh ia baroh ki jaidmar kaba ki briew ki ia khaii pateng.
Ha kane ka rule kaba la wan rah mynta ka sngi kala kynthup lang ruh ia ka Labour License na ka bynta ki nongbylla kiba wan ban bylla sha ki jaka ba hap hapoh jingpeit jong ka KHADC bad ka kyndon kaba thymmai kaba la pynrung ka long ba ki hap ban ai lang ruh ia ka passbook jong ki nongpan ia ka Labour License.
Katkum kane ka rule kala dew ruh ia ki jaid marrep baroh bad kum juh ruh ia ki jaid markhlaw bad ia ki mar kiba la pynmih na ki karkhana, ha kane ka rule ka dang paw ba u sla tyrpad hapoh jong ka KHADC u dang dei u markhlaw.
