Shillong, Nohprah 20: U Chief Executive Member ka KHADC U bah Pyniaid Sing Syiem mynta ka sngi ha ka sngi sdang jong ka dorbar Tlang u la wan rah ia ka kaiphot jong ka Executive committee halor ka jing donkam ban don noh da ka Khasi Traditional Medicine Commission(KTMC).
Kane ka long kat kum ka kyndon kaba 3 jong ka Khasi Hills Autonomous District Protection and Promotion of Khasi Traditional Medicine Act 2011, Ia kane ka kommission yn khlieh da u bah P S syiem Chief executive members ka KHADC kum u Shongknor .
Kiwei ki dkhot ka KTMC kan long ka kong A Nonghuloo ka ba dei ka joint Secretary KHADC kum ka secretary ha ryngkad ki nongsumar khasi ba paw khmat kum u Dr D L Nongspung, Dr (Mrs) Alka Kharsati, Dr Boss Myrthong, bah Dlas Rani.
Ha kane ka commission yn kynthup ruh ia ki riew paw khmat na ka Jylla bad kumjuh ruh ia ki kato katne ki Doctor Dr J P Lyngdoh, Dr S Nongrem, Dr P S Nianglang, Dr Fabian Lyngdoh, Mr Kitboklang Nongphlang, Mr R S Wanniang.
Ka kamram jong kane ka kommission ka long kumno ban peit ia ki lad ki lynti kumno ban pynneh pyn sah bad kumjuh ruh ban shna ia ki Rules kat kum ka notification ba la pynmih ha ka 15th u March 2020
