Shillong, Jylliew 27: U Sandeep Sharma na ka jylla Meghalaya u la ioh ia ka takma Rynong ha ka jingiakop rah khia ha ka Kettlebell World Championships, 2024 kaba la long ha Ri Poland ha Europe.
Mynta ka sngi u myntri rangbah ka jylla u Conrad K Sangma bad myntri ba dei peit ia ki kam ialehkai u bah Shakliar Warjri kila ai khublei ia u Sandeep ha kane ka jingwan rah jong u ia kane takma sha ka jylla kaba u la lah ban rah haduh 80 kilo.
U Myntri rangbah ka jylla u la ai ka jingiaroh ia kane ka jinglah jong u ba poi sha katei ka thong, ha ka jngiakop jong ka WKSF Kettlebell Asia Championships 2023 kaba la long ha Mumbai ha u bnai Nohprah 2023 u la ioh ia ka kyrdan kaba nyngkong ha kaba u la rah 94 kilo bad ioh ia ka Takma ksiar.
Kane ka jingjop jong u kala pynlong ia u ban shah jied ban ia shim bynta ha ka jingiakop jong ka Kettlebell World Championships, 2024 kaba la long ha ka Ri Poland ,ha dewbah Europe bad kane ka jingjop kala wanrah nam ia ka jylla Meghalaya ha baroh kawei ka ri.
