Shillong, Lber 27: Hadien ka jingieng ba kynsan kynsan u Executive Member ka Khasi Hills Autonomous District Council u Bah Pynkhraw Kharjahrin ban wanrah da ka point of order katba u MDC ka Mairang u dang kylli jingkylli, u MDC ka Rambrai Jyrngam u Bah Srally Rashir u la ong wat ju mliem ban phah kyntur da u EM ne MDC haba don u shongknor.
Kane ka jingjia kala jia ha ka kynta kylli jingkylli ha ka sngi ba-ar jong ka dorbar mang tyngka, ha ka por ba u MDC ka Mairang u Bah Equator L Nongrang u dang buh jingkylli halor ka jingdon ki iew masi hapoh u pud u sam ka KHADC.
Katba u Bah Equator u dang kylli tang ar tylli ki jingkylli, kynsan kynsan u Bah Pynkhraw Kharjahrin u la ieng na jaka shong bad wanrah ia ka point of order da kaba ong ym shah palat ia lai tylli ki jingkylli ban kylli.
Halor kane u MDC na Mawshynrut u Bah Srally Rashir u la ieng da ka ong, Haba don u Shongknor, hato don hok ba u EM un wanrah da ka point of order da kaba bynrap “Wat ju mlien ban phah kyntur da u MDC ne EM haba don u shongknor” ong u Bah Srally.
Ban pynksan halor kane u EM u la ong ba katkum ka rule 41 ka shah ba uno uno u dkhot u don ia ka hok ban wanrah ia ka point of order. Ha shwa jong kane u CEM u la iathuh ba ki don kumba 7 tylli ki iew masi bad ha halor ka jingkylli jong ka jingmih ka pisa u EM u la pan da ka notice.
