Shillong, Kyllalyngkot 14: Wat la ia ka elekshon sha ka iing dorbar thawain ka jylla ym pat pynbna na ka liang jong ki shipai BSF kila sdang ban khynra ia ki kali ba iaid ba ieng ha khppud mynta ka sngi ha Phutamati ha West Garo Hills District.
Ha kane ka jingkhynra kila ioh ban bat ia kawei ka kali ha Phutamati da ki BSF kiba don ha Tikrikilla, ha kane ka jingtalasi ia ka la ioh ban kurup ar lak tyngka ka pisa na u Soyadur Rahman ba dei na ka shnong Goladihli.
Ki shipai BSF kila bad aiti sha ki pulit jong ka jylla Meghalaya ban tohkit ia u tei u briew na ei kane ka pisa ka wan bad na ka liang jong ki pulit ruh kin leh ia kaba don kam katkum ka ain ha kaba ia dei bad ka jingtohkit ban lap na ei kane ka pisa ka wan.
