Shillong, Rymphang 01: Ka election commission jong ka Ri India ka la maham ia baroh ki lad pathai khubor ba kim dei ban pynmih ia kano kano ka jingthoh ban ong ba kata ka seng kan jop bun ki MLA ne u ne ka kin jop na kano kano ka constituency katba ka jingiathep vote kam pat dep.
Na ka liang jong ka election commission ka la dep pynshai ba ia kane la leh wat ha ki ar tylli ki election kiba la dep, kata ha Himachal Pradesh bad Gujrat. Lada don ban leh ia kane ka commission kan sa leh ia kaba don kam.
Ha ka juh ka por la bthah ia baroh ba sawphew phra kynta shuwa ba kan don ka jingiathep vote ka khang pyrshah ba um dei ban don kano kano ka lama ne ka jingthoh ne ka poster ha jan jaka thep vote lada lap ym pynshitom kat kum ka ain.
Ka Commission ka la dep ban pyntrei kam ia kane ha ki election kiba la dep bad mynta ruh kan pyntrei kam namar lada don ki poster ne kano kano ka lama kan ktah ia ka jingthep vote. Ka jingkyrpad na ka commission ka long ba ki paidbah kin ia peitlang ia kane ba kan nym don kano kano ka jingdon kino kino ki jingthoh ha ka sngi thep vote.(SP News)
