Shillong, Kyllalyngkot 9: Mynta ka sngi ka seng samla pule jong ka Khasi Student Union (KSU) kala wah ia ki lama iong ha Motphran bad ha khyndailad kum ka dak jong ka jingpyrshah ia kaei kaba la jia hapoh skul bah JNU ha Delhi.
Ka jingjia hapoh skul bah JNU ha nongbah Delhi ka long ba ha ka sngi u blei jong ka san tarik mynta u briew ki riew sniew kila leit ban rung ha katei ka jaka pule ban thombor ha kaba bun ki nonghikai kila mynsaw bad kum juh ki samla pule.
Ka jingpyrshah jong ki seng samla pule jong katei ka skul bah ka long halor jingpynkiew ia ka bai hostel bad ia kane la pyrshah da ki samla pule hapoh ka tei ka skul bah kaba paw ha ka Ri India.
Ban pyrshah ia katei ka jingjia ka seng samla pule KSU mynta ka sngi kala pynlong ia ka jingteh lama iong ha kane ka nongbah Shillong khlem da don kano kano ka jingthoh ha ki lama.
Ha Khyndailad ha dien ba ki dkhot jong ka seng KSU kila dep ban teh ia ki lama iiong ha jaka ba pyllun, na ka liang jong ki pulit kila loit noh ia ki lama iong na katei ka jaka.
