Mawkyrwat, Nailur 22: Ka ophis jong u District Medical and Health Officer, South West Khasi Hills District, Mawkyrwat bad ka Civil Hospital, Mawkyrwat ha ryngkat ka jingiatrei lang bad ka National Prevention for Control of Blindness and Visual Impairment, Meghalaya kin sa pynlong ia ki jingsumar khmat ei na ka bynta ban ai jingsumar ia ki briew ki ba don jingpang khmat ki ba la kot 50 snem ka rta.
Ia kane yn pynlong ruh ia ka jingpeit bniah ia ki khmat na ka bynta kito pang khmat. Ia ka ne ka screening yn pynlong ha ka 3 tarik u Risaw, 2023 ha Civil Hospital, Mawkyrwat.
Ha ka 10 tarik u Risaw, 2023 ha Ranikor Community Health Center (CHC), 17 tarik u Risaw, ha Mawthawpdah Primary Health Center (PHC)bad ha ka 31 tarik u Risaw ha Wahkaji Primary Health Center (PHC).Baroh kine ki jingsumar khmat ei kin sdang ha ka por 10 baje mynstep.
