Shillong, Jylliew 16: U Pa’im Ainam Syiem u Syiem jong ka Hima Mylliem u la pynsngew ba ia mynta shipor yn nym shah ban shong die madan ia mynta shipor bad u la kyntu ba kin long kiba iai shah ia mynta shipor.
Haba kren ha ki lat pathai khubor ha dien ba la wan juruip u Symbut Myntri Rangbah ka jylla ia ka Iewduh bad ka kynhun myntri mynta ka sngi ryngat u CEM jong ka KHADC u Bah Titosstarwell Chyne u Pa,im jong ka Hima Mylliem u la pynsngew ba ia mynta shipor yn nym shah ban shong madan.
Ha ka juh ka por na ka liang jong u Syiem u la kyntu ia kito kiba juh shong madan ban die jingdie ha Iewduh ba kin sngewbha ban leit ban ai kyrteng jong ki hapoh hapoh ka ophis jong u Syiem.
La ong ba la ia iohi ia ka jingkhapngiah jong kane ka iew, lada shah ia ki nongshong madan ki bor jong ka District ruh kin nym pat shah ban plie ia kane ka iew bad kin sa ia pyrkhat pat ha dien. La iathuh ba ki nongdie madan kila ia kynduh ia ki bor jong ka hima.
Katba ki dang ia leit ban jurip ia ka Iewduh na ka liang jong u Syiem bad ki myntri kila pynsngew sha u Symbut Myntri Rangbah ka jylla ba kine ki bynta kiba lah ban plie bad kino ki bynta ba dang hap ban khang. Kum ka Basa kot bad ka Basa die syiar la pynsngew ba kan bha lada khang shuwa ia mynta.
U Syiem jong ka Hima Mylliem u la ong ba mynta ka shong ha ka sorkar ba kan shim ia ka rai ban plie ia ka iewduh ia kane u Syiem u la kren ha ka jingkren ai khublei ia u Symbut Myntri Rangbah ka jylla bad ia ka kynhun myntri ba la wan jurip ia ka Iewduh mynta ka sngi
