PM addressing Asian Games Medal winners at Major Dhyan Chand National Stadium, in New Delhi on October 10, 2023.
New Delhi, Naiwieng 29: U Myntri Rangbah Duh, u Narendra Modiun iakren bad kiba ioh jingmyntoi na ka Viksit Bharat SankalpYatraha ka 30 tarik u Naiwieng ha ka por 11 baje mynstep lyngba ka video conferencing.
La pynlong ia ka Viksit Bharat SankalpYatraha kylleng ka ri da ka jingthmu ban pynpoi ki skhim ba kongsan jong ka Sorkar sha baroh lyngba ka jingpynthikna ba ki jingmyntoi jong kine ki skhim ki poi sha baroh kiba dei ban ioh ia kine ha ka por kaba biang.
Ka la dei ka jingpyrshang jong u Myntri Rangbah Duh ban wanrah ia ka roi ka par kaba ialam lynti da ki longkmie. Ha kawei pat ka sienjam na ka bynta kane, u Myntri Rangbah Duh un pliepaidbah ia ka PradhanMantriMahilaKisan Drone Kendra.
Kane kan pynbiang ki drone sha ki Self Help Group (SHG) jong ki longkmie khnang ba kin lah ban pyndonkam ia kane ka teknoloji ban kyrshan ia ki kam kamaijakpoh jong ki.
Yn pynbiang 15,000 tylli ki drone sha ki SHG jong ki longkmie ha ki lai snem ban wan. Ki longkmie kin ioh jinghikai ruh kumno ban pynheria ki drone. Kane ka sienjam kan pynshlur ia ka jingpyndonkam ia ka teknoloji ha ki kam rep.
Ka jingpynbiang ia ki lad ioh jingsumar kiba jemdor ka dei ka nongrim jong ka jingthmu u Myntri Rangbah Duh na ka bynta ka ri kaba koit kaba khiah. Kawei na ki sienjam kiba heh na ka bynta kane ka dei ka jingsdang ia ki Jan Aushadhi Kendra kiba pynbiang ia ki dawai ha ki dor kiba jem.
Ha kane ka prokram, u Myntri Rangbah Duh un aiti ruh ia ka Jan Aushadi Kendra kaba 10,000 ha AIIMS, Deoghar. Shuh shuh, u Myntri Rangbah Duh unpliepaidbah ia ka prokram ban kyntiew ka jingdon ki Jan Aushadhi Kendra ha ka ri na ki 10,000 tylli sha ki 25,000 tylli.
Baroh ar tylli kine ki sienjam kiba long ka jingpynbiang drone ia ki SHG jong ki longkmie bad ka jingkyntiew ia ka jingdon ki Jan Aushadhi Kendra na ki 10,000 tylli sha ki 25,000 tylli ki dei kiba la pynbna da u Myntri Rangbah Duh haba u la ai jingkren ha ka lyngkhuh sngi ioh jinglaitluid mynta u snem. Kane ka prokram ka dei ka dak jong ka jingpynurlongia kine ki jingkular.
