New Delhi, Naiwieng 18: “Ka International Film Festival of India (IFFI) ka dei kawei na ki 14 tylli ki ‘International Competition Feature Film Festivals’ ba heh tam ha ka pyrthei kiba la ioh jingithuh na ka International Federation of Film Producers’ Association (FIAPF), ka kynhun kaba peit ia ki film festival ha kylleng ka pyrthei.
Ki International Film Festival kum kiba long ha Cannes, Berlin & Venice ki dei kiwei kiwei ki festival ba don burom ba la ioh jingithuh da ka FIAPF ha kane ka thup.
Kane ka tamasa jong ki phlim kaba long man u snem ka la long ka jaka pdeng jong ki phlim ba biang tam na India bad na kylleng ka pyrthei da ki snem mynta ha kaba ki riew pawkhmat ha ki kam pynmih phlim jong ka India bad kito na kylleng ka pyrthei ki wan iashim bynta kum ki delegate.
Ki nongshah khot sngewbha bad ki nongai jingkren,” la ong uPrithul Kumar, MD NFDC bad Joint Secretary Films, jong ka tnat Information and Broadcasting. U la ong ia kane ha ka jingiakynduh bad ki lad pathai khubor shuwa kane ka 54th International Film Festival of India hangne ha Panajimynta ka sngi.
Ha kane ka jingiakynduh bad ki lad pathai khubor la iadon lang ka Delilah M. Lobo, Vice Chairman, ESG, kaAnkita Mishra, CEO, ESG, kaMonideepaMukerjee Director General, PIB, West Zone bad uDr.PragyaPaliwal Gaur, Director General PIB.
Ha ka jingbatai shaphang kane ka tamasa mynta u snem, u Prithul Kumar u la ong, “Kawei na ki mat ba kongsan jong ka IFFI ka dei ka khusnam Satyajit Ray Lifetime Achievement Award (SRLTA) kaba ai na ka bynta ki kam ba khraw ha ka jingpynmih phlim.
U Michael Douglas, Actor bad Producerna Hollywooduba dei uwei na ki riew pawkhmat ha ki kam shna phlim un iadon lang ha ka IFFI, ban pdiang ia kane ka khusnam ba don burom, ha ryngkat bad ka lok jong u, ka Catherine Zeta-Jones kaba long ka actress ba pawnam bha.”
Yn pyni palat 270 tylli ki phlimha kane ka tamasa ha 4 tylli ki jaka – INOX Panjim, Maquinez Palace, INOX Porvorim bad Z Square Samrat Ashok (2). Ka bynta ‘International’ jong ka 54th IFFI kandon198 tylli ki phlim kaba long 18 tylli kham bun ia ka 53rd IFFI.
Yn don 13 tylli ki phlim ba pyni nyngkong ha ka pyrthei, 18 tylli ki phlim ba pyni nyngkong ha ki ri, 62 tylli ki phlim ba pyni nyngkong ha Asia bad 89 tylli ki phlim ba pyni nyngkong ha India.
Mynta u snem, ka IFFI ka la ioh pdiang bun tam ki phlim kiba long 2926 tylli na 105 tylli ki ri kaba long ka jingkiew kaba lai shah haba ianujor bad ka jingphah ki phlimnabar ri ha une u snem ba la dep.4.
Ka bynta ‘Indian Panorama’ kan pyni 25 tylli ki phlim feature bad 20 tylli ki phlim non-feature na India. Ka phlim ba sdang kan long ka phlimMalyalam, ka Aattam, bad ha ka bynta non-feature yn pyni nyngkong ia ka Andro Dreams na Manipur.
Ha ka jjingbatai shaphang ki bynta ba kyrpang ha kane ka 54th IFFI, uPrithul Kumar u la ong ba la sdang ia ka khusnam Best Web Series (OTT) Award mynta u snem. Kane ka thmu ban pdiang, pynshlur bad pynkup burom ia ka jingpynmih prokram ha ki rynsan OTT.
La ioh pdiang 32 tylli ki prokram ha 10 tylli ki jait ktien na 15 tylli ki rynsan OTT. Yn ai ia ki certificate bad ka buskit kaba T 10 lak ia ki nongjop ia kiba yn pynbna ha ka prokram pynkut.
La sdang ia ka byntaDocu-Montage ha kaba don ki documentary na kylleng ka pyrthei kum ka dak jong ka jingrung ka India ha ki khusnam Oscar ha kine ki jait prokram bad ruh ban pyni ia ka jingkiew ka jingkongsan jong ki documentary ha ki kam shna phlim mynta.
La wanrah ia ka bynta restored classics ha kaba yn don 7 tylli ki phlim ba pyni nyngkong ha ka pyrthei hadien ba la pynbha biang ia ki da ka NFDC-NFAI hapoh ka National Film Heritage Mission (NFHM) na ki celluloid reel jong kine ki phlim ba rim jong ka India. Shuh shuh, yn don 3 tylli ki phlimna kiwei kiwei ki ri ha kane ka bynta.
Ha ka jingdon palat 20 tylli ki bynta ‘Masterclass’ bad ‘In Conversation’ bad ki nongshna phlim, ki cinematographer bad ki actor ba pawnam, kane kan long ka taiew kaba shitrhem bha. Kane kan long ha ka Kala Academy ha Festival Mile, Panjim, Goa.
U Michael Douglas, Brendan Galvin, Brillante Mendoza, Sunny Deol, Rani Mukerjee, VidyaBalan, John Goldwater, Vijay Sethupathi, Sara Ali Khan, PankajTripathi, Nawazuddin Siddhiqui, KaykayMenon, Karan Johar, Madhur Bhandarkar, Manoj Bajpayee, Kartiki Gonsalves, Boney Kapoor, Allu Aravind, Theodore Gluck, Gulshan Grover bad kiwei kiwei kin iashim bynta ha kane.
Ia kaba la sdang ha une u snem ba la dep, ki Gala Premier ki dei kiba la pyniar mynta u snem. Ha kine ki jingpyninyngkongia ki phlim ha ka IFFI yn wan iashim bynta ki actor bad kito kiba iadon kti ha ka jingpynmih ia kine ki phlim ha ka IFFI ban pyniaid iew ia kine ki phlim.
Ka bynta kaba 217 jong ka NFDC Film Bazaar ka dei kaba la pyniar lyngba ka VFX & Tech Pavilion, ka jingwanrah ia ki phlim bad ki projek Documentary & Non-Feature, ka “Knowledge Series” bad ka ‘Book to Box Office’. Yn don palat 300 tylli ki projek phlim ba pyni ha kane ka bynta kaba 17 jong ka Film Bazaar na ka bynta ka jingpynmih, ka jingpyniaid iew bad ka jingdie.
Ha ka 54th IFFI mynta u snem, kiba iashim bynta ha ka 75 Creative Minds of Tomorrow (CMOT) kin ioh jinghikai ba la pynkhreh kyrpang da ki riewkhraw ha ki kam shna phlim bad yn pynlong ruh ia ka “Talent Camp” ban thung kam bad palat 20 tylli ki kompani.
Yn pynbiang ruh ki lad ki lynti na ka bynta kito kiba don jingdunaha ki dkhot met ha baroh ki jaka ba pyni ia ki phlim bad kiwei kiwei ki bynta jong kane ka tamasa mynta u snem. Kane kan pynlong ba kane ka tamasakalong kaba pdiang lut ia baroh.
Ka IFFI kam dei tang ka jingpyniia ka jingtbit ha ka jingshna phlimhynrei ka dei ruh ka jingrakhe ia ka jingiar jong ka deiriti. Mynta u snem, la wanrah ia ka IFFI Cine-mela ha kaba kito kiba wan sha ka IFFI ki lah ban pynbyrniaialade katba ki dang rakhe ia ki phlim, ki jingsaindur, ki jingshna ia ki tiar da ki kti, ka bam bad kiwei kiwei.
Ka Central Bureau of Communication, hapoh ka tnat Information and Broadcasting jong ka Sorkar India kan pynlong ia ka exhibition ha kaba ki briew ki lah ban ioh jingtip shaphang ki phlim. Yn ym shim jingsiew eiei ban rung ha kane ka jaka.
Yn don ruh ka jingpyni ia ki phlim shabar ha lai tylli ki jaka ha ryngkat kiwei kiwei ki sienjam kum ki Caravan, Shigmotsav, Goa Carnival, ki Selfie point, IFFI Merchandise bad kiwei kiwei ban kyntiew ia ka IFFI kum kawei na ki tamasa kiba heh tam kiba iadei bad ka deiriti jong ka India.
Shuh shuh, ka NFDC & ESG ki la iatrei lang bad ka NID, Ahmedabad na ka bynta ka jingpyniphuhiphieng bad ka jingpyniaid iew ia ki jaka ba long ka tamasa.
KaAnkita Mishra, CEO, ESG, ka la ai jingtip shaphang ki jingpynkhrehna ka bynta ki delegate bad ki briew napoh ka ri khnang ba kane ka tamasa kan long kaba iaidbeitiaidryntih.
Kane ka kynthup ia ki jaka pynieng kali na ka bynta ka prokram sdang, ka jingpynbiang ia ki lad ka leit ka wan hapdeng ki jaka bapher bapher jong ka tamasa khlem da shim jingsiew bad ruh ki rukom book ia ki jingpyniphlim bad kiwei kiwei ki bynta.
KaMonideepaMukerjee, Director General, PIB West Zone ka la iathuh ia ki lad pathai khubor shaphang ki sienjam ba la shim da ka PIB na ka bynta ka IFFI mynta u snem. Kine ki kynthup ia ka jingpynlong ia ka film appreciation workshop bad ka jingsdang ia ka jingpynkylla ia baroh ki kyrwoh jong ka PIB kiba iadei bad ka IFFI sha ka ktien Konkani.
Ka Delilah M. Lobo, Vice Chairman, ESG ka la pynkut ia kane ka jingiakynduh bad ki lad pathai khubor da kaba ong ba ki phlim kiba biang tam na kylleng ka pyrthei ki dei ki ban pyni ha ka IFFI bad ka la kyntu ia ki briew jong ka Goa ba kin shim ia kane ka kabu kaba wan hakhmat jong ki mynta.
