Shillong, K.Lyngkot 25: Mynta ka sngi ka jylla Meghalaya ryngkat bad ka ri baroh kawei la pynlong ia ka jingrahe ia ka ‘Sngi Thep Vote ha ka Ri” ia kane ka jingrakhe la pynlong ha State Central Library Shillong da kaba pynlong ia shibun ki jingialehkai bad ka jingpyninam ia ki dur ba shon por ilekshon.
U Chief Electoral Officer jong ka jylla Meghalaya u Bah F R Kharkongor haba kren ha ka jingialang kaba long ha State Central Library la ong ba ki paidbah nongshong shnong kiba la ioh ban thep vote ki don 20,81,570 lak ngut, na kine ki shynrang ki don 10,28,395 lak ngut bad ki kynthei don 10,53,173 lak ngut bad kiba dang rung kyrteng thymmai 65% dei kiba dang ha pdeng ka rta 18 bad 19 snem.
Ha kane ka sngi na ka liang jong u CEO la iathuh ba ha ki snem kiba la leit noh ka jingpynrung kyrteng ia ki briew ha ka electoral roll ka long shisien shisnem hynrei mynta yn pynlong noh lai sien ha ka shisnem kane ka long ban ai lat ia kito kiba la dei ban hok ban ioh rung kum ki nongthep vote.
Haba phai sha ki jaka thep vote ha ka jylla Meghalaya la pynbun da 145 tylli kiba thymmai da kane ka jingpynbun shuh ia ki jaka thep vote ka jylla akn noh 3335 tylli ki jaka thep vote ha u snem 2023 ba ka jylla kan sa leit sha ka election ban jied ia ki nongmih khmat.
Ban khanglad ia ka jingdon ar tylli ki dur thep vote ka Election Commisisone ka Ri India kan pyniasoh hapdeng ka EPIC bad ka Aadhaar kane ka long ban wanrah ia ka jingkhuid jignsuba ha kaba pynrung tang kawei ka kyrteng ha ka kyrteng thep vote.
Ka jingai lat ia ki riew tynmen kiba la palat ia ka 80 snem ka rta ban thep vote na iing ruh la pyrshah ha ka ilekstion shiteng samoi ha u snem 2021 bad ia kane yn dang pynbha shuh shuh ha u snem 2023.
Ha Meghalaya ka tnad ilekshon kala ia soi bad ka tnad rah dak na ka bynta ki saw tylli ki konstitwensi ar tylli ha ki jaka sor bad ar tylli ha ki jaka nongkyndong ban pynpoi ia ki EPIC sha ki iing ki iing, ki ar tylli ki konstitwensi ha ki nongkyndongh ka dei ka Chokpot bad ka Ranikor bad ki Konstitwensi ha sor pat ka dei ka South Tura bad Shillong South ba ka post ophis kan pynpoi ia ki EPIC ha ki iing.
Ha kane ka sngi kala don ka jingiaid paidbah ha ka por mynstep bad ki jingialehkai jingiarwai ha Sate Central Library ha kaba kila don ki nongiashim bynta kiba tbit ban pynsngewthuh ia ka jingkor dor ka jingiathep vote ha ka synshar paidbah.
