Guwahati, Lber 04: Ia ka Joint Regional Official Language Conference bad ka Jingialang sam khusnam jong ka thain mihngi bad thain shateilammihngi ba pynlong da ka tnad Official Language, hapoh ka tnad KamPohiing jong ka Sorkar India yn pynlong lashai ka sngi ha nongbahGuwahati.
Ha kane ka jingialang yn wan iashim bynta u Dr.HimantaBiswaSarma, Myntri Rangbah jong ka Assam bad u Myntri Khynnah ka tnad Kam PohiingNityanandRai. Ki dkhot ka Parliament DilipSaikiabadBijuliKalitaMedhiruh kin iadonlang ha kane ka jingialang.
Ha ka jingiakren bad ki lad pathai khubor ha nongbahGuwahati mynta ka sngi, kaDr.Meenakshi Jolly, Joint Secretary, ka tnad Official Language, hapoh ka tnad Kam Pohiing ka la ong ba ka jingialang lashai ka sngi kan dei ka joint regional official language conference na ka bynta ka thain mihngi bad ka thain shateilammihngi.
Ka thain mihngi ka kynthup ia ka West Bengal, Odisha, Bihar, Jharkhand, bad ki dewlynnong Andaman & Nicobar, katba ka thain shateilammihngi ka kynthup ia ka Assam, Tripura, Mizoram, Nagaland, Manipur, Meghalaya, Sikkim, bad Arunachal Pradesh.
Ka Joint Secretary ka la ong ba ha kane ka jingialang lashai ka sngi u Myntri RangbahDr.HimantaBiswaSarmaun sam ia ki khusnam na ka bynta ka jingtrei kaba tbit ha ka kam Official Language hapoh ki thup bapher bapher, ban ai ia ki ophis, ki bank bad ki jaka treikam ha kine ki thain.
Ki ophisarna ki ophis Sorkar Pdeng, ki bank, ki jaka treikam bad kiwei kiwei kin iadon lang ha kane ka jingialang. Shuh shuh, yn pynkup burom ia ki Town Official Language Implementation Committee (TOLIC) da kaba ai ia ki ka TOLIC RajbhashaSamman.
Yn sam 48 tylli ki khusnam ha kane ka jingialang lashai ka sngi, ba la jiedkatkum ki kaiphodQuarterly Progress ba la ai lyngba ka Information Management System.
Ha kane ka sngi, yn pyllait paidbah ia ka bynta kaba kyrpang jong ka magazine jong ka tnad kaba tip kum ka Rajbhasha Bharti bad ka bynta alpha jong ka software pynkylla ktien Kanthastha (3.0) na ka bynta ka Bhartiya Bhasha Anubhag.
Mynta u snem, la pynlong ia ka regional conference kaba nyngkong ha ka 4 tarik u Kyllalyngkot, 2025 ha Mysore, Karnataka, la bud da ka jingialang kaba ar ha ka 17 tarik u Rymphang, 2025, ha Jaipur.
Ka thong kaba kongsan jong kane ka jingialang ka dei ban kyntiew ia ka jingpyntreikam ia ka Official Language Policy ha ki ophis Sorkar Pdeng, ki Bank, PSU, Autonomous Body, bad ki Town Official Language Implementation Committee (TOLIC) ha kine ki thain.
