New Delhi, Kyllalyngkot 5: Ka tnat Development of North Eastern Region lyngba ka CPSE jong ka, ka North Eastern Handicrafts bad Handlooms Development Corporation Limited (NEHHDC) kan pynlong ia ka “Uttar PurviMahotsav 2024”- Ka jingpyni ia ka jingiar jong ka thain shatei lammihngi, ka prokram kaba san sngi ha Bharat Mandapam ha Pragati Maidan, New Delhi, naduh ka 13 haduh 17 tarik u Kyllalyngkot, 2024.
U Chanchal Kumar, Secretary, ka Tnat Development of North East Region mynta ka sngi u la iathuhia ki lad pathai khubor shaphang ka bynta ba nyngkong jong ka Uttar PurviMahotsav.
U Kumar u la ong ba kane ka Mahotsav ka dei kaba la pynkhreh ban pyni ia ka jingiar ka thain shateilammihngi da kaba pyni ia ki rukom shna tiar tynrai bad ka deiriti ha kawei ka jaka. La pynkhrehia ka Uttar PurviMahotsav kum ka jingpyni ia ka deiriti ba iar bad kan ym long tang ka tamasa.
Ha ka jingiakren bad ki lad pathai khubor, u Kumar u la ong ba kane ka Mahotsav ka dei ka rynsan na ka bynta ki lad ki lynti ha ki kam ka ioh ka kot. Kane ka Mahotsav ka thmu ban plié lad ia ki jingiadei kiba iadei bad ki tair tynrai, ki jain, ki mar rep bad ki kam jngohkai bad kan long ka jingplie lad ia ka roi ka par jong ka thain.
U Secretary, MoDoNER u la ong ba palat 250 ngut ki nongthain jain, ki nongrep bad ki nongseng kam lajong kin iashim bynta ha ka Mahotsav. U la ong ba kin don ki jingiakrenhapdeng ki riewshemphang bad ki jingiakynduh hapdeng ki nongdie bad ki nongthied ha kane ka Mahotsav.
U la ong ba ki jingshad tynrai bad ka jingpyniia ka deiriti ba riewspah jong ka thain kan long ka bynta ba kongsan jong ka Mahotsav. La pyllait ruh ia ka video ha kane ka sngi.
Ka Mahotsav kan don ka jingiashim bynta jong 250 ngut ki nongthain jain, ki nongrep bad ki nongseng kam lajong. Kan long ruh ka rynsan ban pyni ia ki bynta ba kyrpang jong ka thain. Ka Mahotsav ka thmu ruh ban pyni ia ki bynta kiba biang tam jong ka thain shateilammihngi ha kawei ka jaka lyngba ki mar shna kti, ki jain, ki mar ba iaineh, ki mar GI – ki soh ki mar rep organic na ka thain shateilammihngi.
Ka jingiakren “Towards Prosperity: Catalysing North East’s Progress Towards a Viksit Bharat” ka thmu ban pyni ia ka bynta kaba kyrpang jong ka thain ban kyntiew ia ka ri. Da kaba peit bniah ia ka jingriewspah, kane ka jingiakren ka thmu ban pyni ia ki lad kiba don ha ka thain shateilammihngi bad ka jingbuh ia ka ha ka bynta kaba kongsan na ka bynta ka India kaba la kiewshaphrang bad kaba iar.
Ka jingiakren halor ka “Women Leaders in the Northeast” kan phaikhmat sha ki bynta bapher bapher jong ki longkmie kum ki nongialam, da kaba ithuh ia ka bynta kaba kongsan jong ki ban buh ia ka nongrim na ka bynta ka imlang sahlang kaba khlain bad kaba iaineh ha ka thain.
Da kaba pyni ia ki bynta bapher bapher jong ki longkmie ha ka roi ka par jong ka thain, kane ka jingiakren ka thmu ban ai mynsiem ia ki rukom treikam ba pdiang lang ia baroh ban tei ia imlang sahlang kaba khlain bad kaba iaineh.
Hapoh ka phang “Northeast in Action,” ka jingiakren halor ka “Youth, Workforce, and the Economic Tapestry of India” ka thmu ban pyni ia ki bynta bapher bapher ba ki samla bad ki nongtrei na ka thain shateilammihngi ki don. Da kaba peit ia ki jingnoh synniang, ki jingthmu bad ki jingeh jong ki nongtrei bad ki samla, kane ka jingiakren kan ai jingmut kumno kine ki lah ban saindur ia ka ioh ka kot jong ka India.
Kane ka Mahotsavkan ai ka rynsan na ka bynta ka jingiakynduh hapdeng ki nongdie bad ki nongthied ka ban wanrah ia ki jingiakren ha ki kam bapher bapher. Kine kin peit bniah ia ki kam thain jain bad ki kam shna tiar, ki mar rep bad ruh ki kam jngohkai.
Ki nongiashim bynta kin peit ia ki lad khaii pateng, kin tei ia ki jingiadei ha kine ki kam bad kane kan plié lad ia ka jingkyntiew ia ki jingiatreilang ha ki kam ka ioh ka kot bad bad kan kyntiew ia ka roi ka par.
Kawei na ki sienjam ba kongsan kan pyniasoh ia ki nongshna tiar, ki nongthain jain bad ki nongseng kam lajong da ka jingthmu ban pdiang 5,000 – 10,000 ngut ki briew man u snem. Shuh shuh ka jingiatreilang Open Network for Digital Commerce (ONDC) kan iarap ia ki kam khaii pateng baritbaria ba kin pyndonkam ia ki kam digital
Ka jingpyni ia ka deiriti: Ka Mahotsav ka wanrah ruh ia ki jingshad tynrai bad ka jingpyni ia ka deiriti ba riewspah jong ka thain. Ha ka 14 tarik u Kyllalyngkot, 2024, naduh ka por 5:00 janmiet, ki briew ki lah ban iohiia ka jingshadSatriya na Assam bad ka jingshadHojagiri na Tripura. Yn don ruh ka jingpyniriam naduh ka por 5:30 haduh 7:00 janmiet.
Ha ka 15 tarik u Kyllalyngkot, 2024, yn don ka jingiakhunTangthana Manipur bad ka jingshad Lion na Sikkim. Ha ka 16 tarik u Kyllalyngkot, 2024 ka prokram kan sdang naduh ka por 5:00 janmiet ha kaba ka kynhun nongtem na Mizoram kan ai ka put ka tem kaba shi kynta.
Ha ka 17 tarik u Kyllalyngkot, 2024 ka kynhun nongtem – Bottle Rockets India kan ai ka put ka tem kaba shi kynta. Ka prokram pynkutkan don ruh ka bynta na ka nongtem violin ka SunitaBhuyan.
Hapdeng baroh kine, ka Mahotsav kan don ruh ki jingshad tynrai kum ka jingshadWangala na Meghalaya, ka Mungwanta na Nagaland, ka Bamboo Dance na Mizoram, ka jingshadBihu na Assam, bad ka jingrwai na ka kynhun Tetseo Sisters bad u ShankurajKonwar.
Ka bynta ba nyngkong jong ka Uttar PurviMahotsav kam dei tang ka tamasa; ka dei ka dak jong ka jingrakhe ia ka deiriti ba riewspah jong ka thain shateilammihngi bad ka jingpeit bniah ia ki lad ki lynti kiba don ha ka ioh ka kot. Kane ka Mahotsav ka wanrah ia ka jingiasoh jong ka deiriti bad ka jingsaindur thymmai ha kaba ka lawei ka kiewshaphrang.
Ha ka“Uttar PurviMahotsav 2024”, yn plié paidbahia ka Barak Hostel ha Jawaharlal Nehru University (JNU). Kane ka hostel ka lah ban pdiang 400 ngut ki samla pule na ka thain shateilammihngi kiba kwah ban pule ha JNU.
Shuh shuh, yn buh ruh ia u maw nongrim jong ka North East Convention Centre ha Dwarka, New Delhi. Kane ka convention centre ka dei ka ban shna katkum ka juk mynta bad kan long ka jaka Pdeng na ka bynta ka deiriti bad ka jingioh jingtip shaphang ka thain shateilammihngi ha Delhi.
