Shillong, Nailar 06: Ka seng ‘Shooting Association Meghalaya’ kan pynlong ia ka jingiakop siat suloi kaba 10th North East Zone Shooting Championship 2023 ka ban sdang ha ka 20th bad kan kut ha ka 27th Nailar 2023.
Kane ka jingiakop kan long ha Assam Regional Centre, Happy Valley, ia kane ka jingiakop siat suloi yn pynlong hapoh ka jingpeit jong ka National Riffles Association jong ka Ri India ryngkat ka jingkyrshan ka tnad ialehkai ka sorkar jylla.
Ki ban wan ia shim bynta ha kane ka jingikop siat suloi ki long na Meghalaya, Assam, Arunachal Pradesh, Ngaland, Maipur bad jylla Mizoram, ki ban ia shim bynta kin don kuma 300 ngut ei ei baroh, kane ka jingiakop ka long tang ia kiba na North East bad ki nongbishar kin don 10 ngut.
Ha kane ka jingiakop siat suloi kin don kumba 50 tylli ki jingiakopha ki kyrdan bapher bapher, kiba iakop kin long haduh ka rta kaba 19 haduh ka rta kaba 60 snem.
Kito ki ban ia shim bynta kin long tang kito kiba la pyniasoh bad ki seng Rifle Association hala ki jong ki jong ki jylla kiba ki don ka jingpyndap kyrteng ban ia shim bynta kan kut ha ka 14th Nailar 2023, kane ka long katkum ka kyrwoh kaba la phah da u bah Nicholas Nongkhlaw nongai khubor kaseng.
