Shillong, Nohprah 22: U Myntri Rangbah duh Narendra Modiun sam palat 71,000 tylli ki shithi thung kam ia kiba dang rung kam thymmai ha ka 23 tarik Nohprah ha ka por 10:30 mynstep lyngba ka video conferencing. Un ai jingkren ruh ha ka jingialang kum shi bynta kane ka prokram kaba kongsan.
U Myntri Khynnah jong ka sorkarpdeng ba dei khmih ia ka Tnad Rural Development, KamleshPaswanun iashim bynta ha ka RozgarMelaban long ha NEIGHRIMS, Shillong lashai ka sngi.
Ka RozgarMela, ka sienjam ha kylleng ka ri, kan long ha 45 tylli ki jaka ha kylleng ka ri, kaba pynrung kam ha ki Tnad sorkarpdeng bapher bapher. Ki samla kiba dang rung kam thymmai kin iasoh bad ki tnad ba kongsan kum ka Tnad Kam Pohiing jong ka sorkarpdeng, ka Tnad Posts, Tnad Higher Education, ka Tnad ka koit ka khiah, bad ka Tnad Financial Services bad kiwei kiwei.
Kane ka sienjam kadei shi bynta ka thong jong u Myntri Rangbah duh kaba phaikhmat kyrpang sha ki lad ioh kam ioh jam, ban plie ki lad kiba biang na ka bynta ki samla bad ban pynkupbor ia ki ban nohsynniang sha ka jingtei ia ka ri.
