Shillong, Risaw 23: U Myntri Sorkar Pdeng ba dei khmih ia ka tnad Textiles, Giriraj Singh, un wan jngoh ia ka jylla Meghalaya ha ki ar sngi ha ka 25 bad 26 tarik u Risaw 2024.
Ha ka 25 tarik u Risaw, 2024, u Myntri un plié paidbah ia ka jaka treikam jong ka National Institute of Fashion Technology (NIFT) ha Umsawli bad un iashim bynta ha ka jingialang pynkup burom jong ka NIFT.
U Myntri Rangbah ka jylla Meghalaya, Conrad K Sangma, u Myntri Khynnah ka tnad External Affairs bad Textiles, PabitraMargherita kin iadonlang ha kane ka prokram.
Ha kane ka juh ka sngi, u Myntri un leithiar sha Ri Bhoi distrik ban peit ia ka Aspirational District Programme bad ka jingpyntreikam ia ki skhim Sorkar Pdeng un iakren ruh bad ki bor pyniaid distrik shaphang ki sienjam ban wanrah ia ka roi ka par.
Ha ka 26 tarik u Risaw, 2024, u Myntri unleit sha ka Shnong Eri Silk ha Umden ban iakren bad ki nongthain jain, ki nongshna tiar bad kito kiba don bynta ha ki kam jngohkai.
Shuh shuh, un iakren bad ki briew kiba ioh jingmyntoi ha ki jaka bapher bapher kiba kynthup ia ka Umkon-1 Anganwadi Centre (AWC) bad Marngar Primary Health Centre (PHC).
Kane ka jingwanjngoh u Myntri ka pyni ia ka jingpeit bniah u Myntri Rangbah Duh, Narendra Modi bad ka Sorkar Pdeng ia ka jingkyntiew ia ki jingdon jingem, ki lad ka leit ka wan, ki lad ai jingsumar, ka pule puthi, ki startup, ka jingseng kam lajong bad ka kam jngohkaikatkum ka jingthmu ‘Viksit Bharat’ bad ‘Viksit Purvottar’.
