Shillong, Iaiong 14: U Prof Rakesh Sinha MP jong ka Rajya Sabha u ba la shim ia ka shnong Kongthong ban kyntiew ia ka rai ka par ha kane ka shnong la ong ba kane ka shnong bad kiba dong sawdong jong kiba don kumba 18 tylli ki shnong kim don ia ka jaka pule bad ki jaka ai jingsumar kiba biang.
La ong ba kane ka shnong kala pynpaw bad pynsah nam ia ka riti dustur jong ka ha kaba ia dei bad ka rwai “Iawbei” bad la ong ba u ai khublei ia u myntri rangbah duh jong ka Ri India ba la kdew ia kane ka shnong ha ka jingkren jong u ia kane ka shnong.
Ha ka jingshem jong u la ong ba kane ka shnong bad ka thain baroh kawei ka dang duna shibun ha ki kam pynroi, kam biang ki jaka pule, kam biang ki jaka ai jingsumar, u tei u MP ka Rajya Sabha la ong ba u ai khublei kyrpang ia u mytnri rangbah ka jylla u Conrad K Sangma ba la kloi ban ia treilang ban kyntiew ia kane ka shnong.
Ban kyntiew ia ka ioh ka kot kane ka thain la thaw ia ka kynhun ia trei lang bad kane kan iarap ban kyntiew ia ka iohka kot bad ba kin lait na ka jingshah shim kabu ha ki nongkhaii, la ai nuksa ba ka dor jong u synsar ka long T.13000/- shikwintal, hynrei kiba thied ki long tang T.8000/- haduh T.9000/- kane ka ktah ia ka ioh ka kot ki paidbah.
Ban kyntiew ia ka koit ka khiah bad ban pynioh ia ki jaka sumar ha kane ka thain na ka jingiarap jong shimet yn buh ia ka “Virtual Clinic” ba ki briew kin ioh ia ka jingsumar lyngba ki doctor haba ki shitom ki ban batai ban thoh dawai haba ki shitom namar kiba bun ki paidbah ki don jingduna ha ka koit ka khiah namar bymbiang ka bam ka dih.
Kumba ki long mynta ki don sa lai tylli ki shnong kiba kwah ban don lang bad ka snong Kongthong, ka Mawmeng, Mawshut bad ka Sder, la ong ba ka DC jong ka East Khasi Hills District kan hiar sha katei ka shnong ha ka 16 tarik mynta u bnai ban ia kynduh ia ki nongkit kam shnong katei ka thain ban ia mir jingmut ha kaba ia dei bad ka roi ka par katei ka thain.
Haba ia dei bad katei ka thain la ong ba ka jingitynnad ka kham intynad ban ia ka Kashmir bad un khot ia ki nongpynmih phlim Hindi ba kin wan ak phlim ha kane ka jylla Meghalaya bad kane ka kyntiew ia ki kam jngohkai pyrthei ban kyntiew ia ka ioh ka kot ka jylla khlem da ktah ia ka mariang.
