Shillong, Nailur 03: U Nongialam ka liang pyrshah u Dr Mukul Sangma u la ong ba na ka liang jong ka seng Congress ka dang ap ia ka sorkar MDA ba kan pynbna ia ka kyrteng jong u kyrtong ban ia khun ia ka ilekshon Speaker.
U tei u nongialam ka liang pyrshah u la ong ba ynda la sei madan ka MDA ia u kyrtong Speaker ka Congress party kan sa pynbna ia ka kyrteng jong u kyrtong ka liang pyrshah iano kin pynieng ha kane ka Ilekshon speaker.
U Dr Mukul u la pynthikna ba ka liang pyrshah kan pynieng ia u kyrtong ha kane ka ilekshon speaker ka ban long ha kane ka dorbar synria kaban sdang ha ka sngi Thohdieng ban wan.
Ha ka iing dorbar ka 59 ngut, ka jingdon ki MLA ha ka liang synshar ki long 40 ngut bad ha ka liang pyrshah ki don 19 ngut bad kine ki 19 ngut baroh ki dei na ka party Congress.
