Khliehriat, Jylliew 23: Ka KSU Sumer Unit ha ka 23 tarik u jylliew ka la leit ban kynduh ia u Executive Engineer jong ka PWD(Rds) N. E.C Division Khliehriat, ha kane ka jingia kynduh la ialam da u President jong ka KSU Sumer Unit u Samla Daraplang Salahe lem bad kiwei ki nongkitkam ka seng.
Ha kane ka sngi na ka liang ka seng ka la ioh ban pynsngew ia shibun bah ki jingeh ha kaba ki pait nongshong shnong ki mat da ki phew snem ia kane jing sniew jong u surok, khamtam ha kaba iadei bad kiba pang ba shitom, kumjuh ka kit ka bah jong ki paidbah nongshong, namar ka jing sniew palat u surok ka la pyndiaw mynsiem ia ki nongshong shnong jong ka thaiñ sumer, khamtam ia kiba pang ba shitom jur.
Na ka liang u Bah J.Tariang uba dei u Executive Engineer jong tnat PWD Road N.E.C Division Khliehriat u kular ban shimkhia halor kane ka bynta, khnang kan suk ka leit ka wan jong ki paitbah nongshong jong ka Thaiñ sumer hi baroh kawei.
Ha kane ka jingia kynduh is u EE ka PWD u President jong ka Unit u Samla Daraplang Salahe, u la pynpaw ia ka jing sngewsih haba u ioh sngew ia ka kyntien kaba juh mih barabor na ki Myntri Sorkar, kiba juh ong ba u surok udei u budlum jong ka ioh ka kot ka jylla.
Ka KSU ka ong ba phew se kine ki kyntien, kiba ki Myntri Sorkar ki shait kren ha ki rynsan paitbah kidei tang kyntien ban pynbeit ia ki nongshong shnong jong ka jylla, la ong u President jong ka KSU Sumer Unit u Samla Daraplang Salahe, kane ka long katkum ka kyrwoh ka ba la phah da u Samla Baitlang Passleiñ General Secretary KSU Sumer Unit East Jaiñtia Hills District Khliehriat.
