Tura, Risaw 26: Ki paidbah nongshong shnong jong ka dong Matchakolgre ha Tura ki la dap ka jingbitar ban iohi ba ka tand shna surok jong ka sorkar kim shym la leh ei ei ban pynbha ia ka sruok ha katei ka dong bad ka jingtrei ka la iaid suki palat ban ia ka matah.
Ban ap ia ka tand PWD kim lah shuh ki paidbah jong katei ka dong ki la ia mih paidbah naduh ka por 9 baje mynstep bad pyndap ia ki thiew ki syar khnang bakin dup lah ban iaid ha katei ka surok kaba don ha ka dong jong ki. Soshan Sangma u bdei ruh u dkhot jong ka seng AYWO u la ong ba kane ka dei ka jingeh na ka bynta ki paidbah ba ka PWD kam shym la leh ei ei mynta la 6 bnai.
U Soshan Sangma, u la ong ba kane ka surok ym tang ba ka pyndik na ka jingsniew hynrei kane ka surok ka long kaba don kam bha namar ka pyniasoh bad ka surok AMPT ka ba poi sha Iew Najing lada iaid na kane ka surok sha kane ka iew kala pyndun na ia ka jingjngai da 5km.
Ka jingeh jong ki paidbah kiba shong ha kane ka dong ha Tura ym tang ba ka sniew ka surok hynrei kin ala ha ka por slap ki shlei ia kane ka bynta ruh ym don ba peit la ong ki nongshong shnong.(SP News)
