Shillong Risaw 30: U nongai ktien jong ka sorkar u Bah Roni V Lyngdoh u la ong ba ka sorkar ka long kaba la kloi ban ia kren halor ka jingwantuid jong ki briew kiba na bar sha kane ka jylla.
Haba kren ha u SP News Agency na ka liang jong u Bah Lyngdoh u la ong ba haduh mynta kam pat don kano kano ka jingong ban khot ia kren ia ki seng bhalang, ha ka juh ka por u la ong bal eh se ki lah ban don ki MLA ha ka bor jong ki shimet ki lah ban kyntu ia u myntri rangbah ba un khot ia kren ia kane yn nym lah ban ong ei ei.
La ong ba naduh mynta ka CLP kam pat ia shong jingialang, hynrei u secretary jong ka CLP mynta la dei u bah Kenedy Khyriem, hynrei kaei kaba u tip ka long ba ka CLP ruh kam pat ia kren ei ei ia kane ka phang.
Ki thymmei khubor ki iathuh ba na ka liang jong ki katto katne ki MLA jong ka seng Congress ki la kyntu ia u myntri rangbah ban khot ia kren ia ki seng bhalang ban ia kren biang bad ki halor ka phang bad ia dei bad ka jingwan tuid jong ki briew kiba na bar sha kane ka jylla.(SP News)
