Shillong, Jymmang 04: Ban pynpoi ia ki lat ai jingsumar sha ki paidbah baroh kane ka Thian shatei lam mih ngi ka Ri India mynta ka sngi la pynlong ia ka jingialang kaba nyngkong ha Shillong ban ia kren ia kane ka phang hapoh ka jingpyniaid ka tnad ka koit ka khiah ka sorkar pdeng.
Ha kane ka jingialang kaba ar sngi kaba la sdang ha ka 3/5/2024 la pynkut mynta ka sngi 4.5/2024 ha kaba la don ki briew ka tnad ka koit ka khiah na ki jylla kane thain kiba briew kiba la pyntbit kyrpang ha ka jingsumar.
Ha ka jingkren u Apurva Chandra IAS Secretary ka tnad ka koit ka khiah jong ka sorkar pdeng ha ka jingialang ka Additional secretary bad Director HNM ka sorkar pdeng ka Aradhana Patniak IAS, ha ka jingiadon lang u Sampath Kumar Principal Secretary ka tnad ka koit ka khiah jong ka sorkar jylla.
Ha kane ka jingwan kaba ar sngi u Secretary ka tnad ka koit ka khiah u Apurva Chandra u leit ban jngoh ia ka NEIGRIHMS ban peit ia ka jingshna ia ka Critical Unit ka Hospital kaba 150 jingthiah kaba dang iaid sha khmat mynta, ka Cancer Unit, ka jaka pule doktor kiba dang iaid mynta.
Ha ka jingkren u Secretary ka tnad ka koit ka khiah jong ka sorkar pdeng u la ong ba ka jingpyntreikam ka sorkar Meghalaya ha ka koit ka khiah ka kham bha ban iakiwei ki jylla ka North East, la kyntu ba kila dei ban shim ia ka nukasa ka jylla Meghalaya namar 93% kiba pang ha kane ka jylla ki leit sha ki jaka ai jingsumar ka sorkar.
Ka jylla Meghalaya kala dep ban jied 1700 tylli ki shnong ban buh ia ki Village Health Council bad kine kin peit ia ka koit ka khiah ha ki shnong ki thaw, ha kan ka jingialang kaba ar sngi kala don ruh ka jingleit jngoh ia ki jaka ai jingsumar sha ki nongkyndong, kum ka .Sohra, Mawphlang, Mawngap, Mawkdok, Jongsha, Thynroit ha shillong bad kiwei ki jka.
