Shillong, Jymmang 05: Mynta ka sngi ha ka por kumba 11 baje tam ei ei u slap ba jur la ther ha ka thain Mawnai bad ki shnong kiba mar jan kiba hap hapoh jong ka Eastern West Khasi Hills District ha ryngkat ka jinghap jong u phria ba jur.
Ha kane ka jinghap phria kala jur haduh katta katta ba u phriang u la lang ha kit num iing bad ki tnum kali ruh bad kala wanrah ruh ka jingkular ha kaba kila don ki iing kiba la pei ki tin sop iing na ka daw jong ka jinghap phria.
Kane ka jingjur jong ka jinghap phria kala wan rah ka jingduh ha ka rep ka riang ha katei ka thian namar bun na ki briew ki dang im ha ka rep ka riang, kane ka jingjur jong u phria kala pynjulor wat ia ki sla ding.
Kane ka jinghap phria kam dei tang ha ka shnong Mawnai hynrei ha ki shnong kiba mar jan kiba don saw dong jong ka bad kaba la jur eh kane ka jinghap phria dei ha ka shnong Mawnai, ia ka jingduh ym pat lah ban ioh jingtip kat haduh ba thoh ia kane ka khubor.
