Shillong, Jymmang 06: Mynta ka sngi la lap ba kawei ka samla pule engineer hapoh jong ka Shillong Polytechnic kaba la tip kyrteng kum ka Diana Ch Marak 24 snem kaba dang pule ha ka Semester kaba saw ia ka Civil Engineering kala pynkut noh iala ka jingim da kaba sdien phasi ha jingkhang iieit.
Katkum ki khubor kiba la ioh la ong ba kane ka samla pule la suba ba kala dkhat ia ka jingim ha jaka sah hapoh Hostel ki kynthei, la ong ba ha ka por ar baje ei ei shiteng miet kala don ka jingwiar ki ksew hynrei mynstep la lap pynban ia ka met iap kaba la sdien phasi.
Ki bor ba dei peit ia kane ka jaka pule kila pyntip sha ki pulit bad ha dien ba kila pyndep ia ki jingkam la rah sha Civil Hospital ban leh ia ka post morten bad la pynkitnoh sha Tura ha dien ba la pyndep ia ki jingdon kam katkum ki kyndon ain. kane ka samla kaba la dkhat jubor ia la ka jingim ka dei na ka shnong Babupara kaba don ha sor Tura.
Na ka liang U Bah W.L Warjri Aditional director ha ka juh ka por uba dei u principal Ula Pynpaw ka jingsngewsih kaba khraw khlem da tip kiei ki daw ba kane ka samla pule ka shim ïa ka Jingim. Hakajuh ka por ula phah ka Khubor Sngewlem sha ki Kmie ki kpa kiba iing ha sem jong kane ka khynnah samla pule.
