Shillong, Jymmang 22: Ka iing mane jong ka Balang Presbyterian hapoh ka snong Mupliang kaba hap hapoh jong ka West Jaintia Hills District kala pluh ha ka por 2 baje shiteng synia mynta ka sngi bad kane ka iing mane kala julor khoit ha kane ka jingbam duh ka dieng, kane kala wan rah ia ka jingsngewsih kaba khraw ha ki para ba ngeit.
Haba kren ha u SP News Agency u bah W. Sna ba dei Tynmen Basan jong kane ka balang ha shnong Mupliang, la aithuh ba u la ioh jingtip ba kane ka iing mane kala pluh ha ka por ar baje shiteng synia, kane la iathuh da kiba sah ha jan ka iing mane.
La iathuh ba ia kane ka iing mane dang shu dep shna ha u snem 2008 bad ka jngpyn bha ia kane ka iing mane ka dang iai bteng bad kane ka iing mane mynta ka dang dap 15 snem.
La iathuh ba ki pulit pynlip ding kila poi sha kane ka jaka bad lai tylli ki kali kit um, ha kane ka jingsynreit um la lah ban tem ia ka jingklang ka ding bad ka long ban pynjem ia ka ding ba kan nym klang sha ki iing kiba don ha syndah ka iing mane.
Haba jubab ia ki jingkylli hato kaei ka daw kalah ban dei kane ka jingpluh, la ong ba ka jingsuba ka lah ban dei na ka jingkem ding na ka light, kane ka long ka jingduh kaba khraw ia ka balang hapoh ka shnong Mupliang.
