Shillong, Nailur 16: Mynta ka sngi u bah C.V.D Diengdoh IAS, Secretary jong ka sorkar Meghalaya ba dei peit ia ka General Administration Department u la pynmih ia ka hukum ba ki Bank bad kino kino ki kam kiba ia dei bad ki kam pisa ha ka sngi “Unitarian Anniversary Day” kim hap ban khang.
Kane ka hukum kaba la pynmih da ka sorkar mynta ka sngi ka long kum ka jingbteng ia karei kaba ka sorkar kala pynbna ha ka 9/Nailur/2024 ba ka sorkar kala pynbna shuti ha ka 18/Nailur/2024 ha East Khasi Hills District.
Ha kane ka sngi rakhe ia ka “Unitarian Anniversary Day” baroh ki ophis sorkar, ki iing bishar ki skul, college bad Universit kiba don hapoh jong ka East Khasi Hills District kin khang ha katei ka sngi.
