Shillong, Nailur 22: Mynta ka sngi u bah Pyniaid Sing Syiem Chief Executive Member jong ka KHADC ba dei ruh u nongialam ki 10 tylli ki District Council ka thain shatei lam mih ngi ka Ri India , ryngkat u bah Fantin Joseph Lakadong Executive Member bad u shongknor u bah Lamphrang Blah kila ia kynduh ia u AK Mishra nongai buid ka tand kam poh iing ka sorkar pdeng ha nongbah Delhi.
U bah Pyniaid u la ong ba ha kane ka jingiakynduh kila ia kren halor ka jingkwah kumba kila dep ban ai ia ka dorkhas kaba kila ai ha ka 25/Naitung/2025 ha u myntri kam poh iing ka sorkar pdeng u Amit Shah.
Ha kane ka jingiakynduh kila ioh ban ia kren bad tain bha bad une u nongai buid bd ha kane ka jingiakynduh u la sngewthuh bha ia ka jingmut bad ka jingthmu jong ki bad kane ka jingthmu ban pynkylla ia ka riti synshar kaba 125 jong ka ri.
Ha kane ka jingiakren la iathuh ba ka sorkar pdeng kan rah sha Parliament ban wan rah ka jingkylla ia ka Khyrngit kaba hynriew ha u bnai Nohprah 2024 ha kaba ka dorbar parliament kan shong dorbar.
U bah Pynaid u la ai khublei ia ka tnad kam poh iing ka sorkar pdeng kaba la sngap ia ka jingai jingmut jong ki ADC, la ong ba u nongai buid u la kynduh ia ki ADC la ka jong ka jong, u la kynduh ia ka ADC na Tripura, BDO bad ia ka KHADC.
Ha kane ka jingiakynduh na ka liang jong ki ADC kila kren shai ba kin nym lah ban a pein bad ki riti dustur , ka synshar ka khaddar, haba ia dei bad kane ka jingpynkylla ia ka Khyrngit kaba hynriew bad kane kam dei ban ktah ne pynkylla ia ka jinglong kyrpanf kum ka jaidbynriew.
U AK Mishra u long u briew ba ka sorkar pdeng kala buh ia u ban peit ia ka North East bad de lyngba une ba bun ki jingiakren ia suk bad ki lehnoh ha North East la lah ban pyndep bad kum juh ruh ka jingiakren ia suk bad ka kynhun lehnoh HNLC ka jylla Meghalaya.
