Shillong, Naiwieng 01: Ka tamasa “Cherry Blossom Festival 2024” mynta u snem kan khring bha iaki paidbah ha kaba ki don shibun ki nongrwai ba paw kin wan, kaba ki riew ieit jingrwai kin ioh ban ioh mar khmat iaki.
Ha ka jingshisha ha ka 16/Naiwieng/2024 la buh ia ka sngi ban wan rwai u Akon, hynrei mynta u wan ban rwai noh ha ka 15/Naiwieng/2024 ia kane la hap ban pynkylla namar ki tarik wan rwai jong u sha ka dewbah Asia.
Ki nongpyniaid ia kane ka tamasa kila pynbna ruh ba kynhun nongrwai “Clean bandit” ki nongrwai bna paw na ka ri Germany kin rai ar sngi lynter ha bad kane kan long ka sien kaba nyngkong ia ki ban wan rwai sha India bad ka jingwan jong ki kan dang kyntiew shuh shuh ia ka tamasa.
Da kane ka jingwanrah ia kine ki nongrwai kito kiba la don ia ki tiket kilah ban thied biang khlem da don kano kano ka jingpynkiew dor ia ka bai tiket, kala don ka jingkhmih lynti ba ka jingwan ki paidbah sha kane ka tamsa kan dang kham bun mynta u snem.
