Naiwieng 07: ka jingiakynduh lang ki samla ka jylla kaba la tip kum ka “State Level Youth Exchange Programme 2024” kaba la pynlong ha Convocation Hall, NEHU Shillong la pynkut mynta ka sngi.
Ha kine ki sngi ki samla kiba la wan ban ia shim bynta kila pyni ia ki sap ki phong jong ki kaba don don, ia kane la pynlong da ka tnad Sports bad Youth Affairs, ka sorkart Meghalaya kaba la sdang ha ka 4/11/2024 bad kaba la pynkut mynta ka sngi.
Ki samla kiba la wan ban ia shim bynta ki long na baroh 12 tylli ki District jong ka jylla, ah kine ki sngi kila don ki jingialeh ki jingkop kyntip thoh Peotry, thoh jingiathuh khana, jingdro dur jingiathuh khana bad bunkiwei de kum ki jingshad bad kala don ruh ka jingiamir jingmut ha pdeng jong ki.
Ha ka jingkren jong ka DC ka kong RM Kurbah jong ka East Khasi Hills District kala ai jingiaroh ia ki samla kiba la wan ban ia shim bynta bad kiba la mih khmat ha ka jylla ha kane ka thian shatei lam mih ngi bad sha ka Ri bad kin sa don 24 ngut ki samla kiban sa leit sha Jakarta, Indonesia.
Halor ka DC kiba la don lang ban sakhi ia kane ka sngi pynkut ki long D.D Shira, MCS, Director Sports bad Youth Affairs, Govt of Meghalaya, u bah P. B. War Nongbri, Assistant Director Sports bad Youth Affairs, u bah K Passah, Assistant Director Sports bad Youth Affairs, Fr. Michael Makri bad bah D Rapsang. District Sports officers, bad kiwei kiwei.
