Shillong, Naiwieng 15: Mynta ka sngi ki San Kur ka Raid Mylliem, ka kur Marbaniang, kur Sohtun, kur Kharkongor, Kur Kurkalang bad ka kur Nongkhlaw-Rngie kila pyndep ia ka jingleh niam Iewduh kaba juh long shisien shisnem ha jaka kyntang kaba don ha Khlieh Iewdu bad ki 11 kur.
Ia kane ka jinglehniam mynta ka snem la pyndep da u bah Lumlang Nongkhlaw, ia ka dah ka dong ia ki khydait tylli kiba thew ia ki khyndai Umdih khyndai Umtong la dah la dang da u myntri Sohtun ban ot ia u syiar bad ban pom ia u blang la pyndep da u myntri Kharkngor.
Ka jingleh niam ha Iewduh ka long ban duwai phirat ia ki blei ban kin kyrkhu kyrdoh ia ka iadie ia pet, ban kiew ka khaii pateng ba ka khaii pateng kan kiew ka iar hapoh kane ka iew, ha dien ba la dep ia ka jinglehniam na khlieh iewduh la hair sha basa tympew ban pynlong ia ka shad ka kmen.
Ha kane ka sngi ban ia sakhi lang ia kane ka jinglehniam Iewduh la don lang ki Myntri ka hima, kiba khraw kibatri, ki nongmih khmat na kitei ki kur ki dei ban pyndep ia ka niam ka rukom ha iewduh na ka Raid Mylliem.
Ia ka jinglehniam la sdang da ka jingknia da u Syiar, pynbut sa balang lieh sada ba khlem thoh dak, pynbut biang sa u syier bad u wei u sniang iong. Ia ka jinglehniam la pynkut da ka shad ka kmen ha kjat Iewduh ha basa tympew.
