Shillong, Naiwieng 16: Ki nongialam jong ka Mawlai Town Dorbar mynta ka sngi kila leit ban jngoh ia ki samla pule kiba dang bteng ia ka jingshah thgnan ha skul bah NEHU ha ka ingiakhih ba dawa ban weng kam ia u Registrar, Deputy Registrar kumjuh ia u Vice Chancellor ka ksul bah NEHU.
Kane ka jingleit ban jngoh da kinongialam jong ka Mawlai Town Dorbar ka long ba ki don ka jingsngewkhia namar ka jingshah thngan kala kot sha ka 12 sngi bad kane kan ktah ia ka koit ka khiah jong ki samla pule bad kane ka la pynlong ban dawa ban weng kam noh ia u Prof PS Shukla VC ka NEHU.
Kane ka jingleit ban jngoh ia ki samla pule da ka Mawlai Town Dorbar ka long kum ka dak ban ai ka jingkyrshan kaba pura ia kane ka jingiakhih ki samla pule hapoh ka jingialam ka NEHUNSA bad NEHU KSU Unit.
Ha kane ka sngi, la lamkhmat ia ka Mawlai Town Durbar da u President Bah Herlambok War, Bah Sorbar Lyngdoh Nongpyuir vice president, Dr Marco Mitri, Secretary, Bah Lumsyntiew Lyngdoh, Asst.secretary, Bah Kim Khongkliam, Treasurer ryngkat lang bad baroh ki Rangbah shnong ki 17 dorbar.
Ka Mawlai Town Durbar ha kajuh ka por haba pynpaw ia ka jingsngewkhia halor ka jinglong jong ka koit ka khiah jong ki samla pule kiba la shong shah thngan, ka la ai jingmut ruh ba kin shim noh da kiwei ki lad ki lynti ban bteng ka jingkhih kaba shongnia.
