Shillong, Naiwieng 16: U Prof. Prabha Shankar Shukla Vice Chancellor ka North Eastern Hill University mynta ka sngi la phah ia ka shithi ba un shim shuti naduh ka 29/Naiwieng/2024 bad kane ka jingshim shuti ka long na ka bynta khatsan sngi.
Ki thymmei khubor na katei ka skul bah haba kren ha u SP News Agency kila pynthikna ia kane ka jingshim shuti kaba khatsan sngi jong u Vice Chancellor ka skul bah NEHU u Prof. Prabha, lada don kam dang lah ban pynjlan shuh ia ka shuti.
Kane ka jingshim shuti jong u Vice Chancellor ka NEHU ka long ba ailad ia ka kynhun tohkit kaba ar ngut kaba la thung da ka tnad pule puthi jong ka sorkar pdeng ba kin ioh ban tohkit halor ki jingkynnoh pyrshah ia u VC kaba la pynlong ia kane ka jingiakhih ki samla pule.
Ki lad khubor ki iathuh ba ka jingshim shuti khatsan sngi ka long ba la bthah ia ka kynhun tohkit ban pyndep ia ka jingtohkit hapoh ka khatsan sngi bad lada ka kynhun tohkit ka dang don kam ban pynjlan shuh ia ka jingthoh kit u VC ruh un dang hap ban pynjlan shuh ia ka jingshim shuti.
