Shillong, Naiwieng 16: U Myntri rangbah ka jylla u Conrad K Sangma haba kren ha ka sngi rakhe ia ka National Press Day mynta ka sngi ha State Convention Centre, u la pynbna ba ka sorkar kala mang pisa T.35 lak tyngka na ka bynta ban iarap ia ki nongthoh khubor haba don kano kano ka jingeh.
Ha kane ka sngi la pynbna ba ka sorkar ha u snem 2009 kala wan rah ia ki skhim na ka bynta ki nognthoh khubor ba kin ioh ia ka jingiarap haba ki don kam, katkum katei ka skhim kaba rim ka long ba lada don ba khlad katba dang don ha ka kam ka long shitlak tyngka bad haba pang shitom ka jingiarap kaba T.50000/- tyngka.
La pynbna mynta ka sngi ba na ka bynta kiba khlad ha ka kam la kyntiew ia ka jingiarap na ka T.100,000/- tyngka sha ka T.500,000/- san lak tyngka, ia kiba shitom na ka T.50000/- tyngka sha ka T/300,000/- tyngka, kito kiba lah ban don ka jingthu ha ka met baroh shirta yn iarap T.300,000/- tyngka.
Kane ka pisa ynbuh bad ka tnad pathai khubor jong ka sorkar ka Directorate Information Public Relation bad la bthah ban don ka kommitee ban khlieh da u khlieh ka tnad DIPR, don lang u Director bad saw ngut na ki nongthoh khubor kane ka kommitee ban rai ha ban iarap ia ki nongthoh khubor.
U Myntri Rangbah u la kyntu ia ki lat pathai khubor ba kin kren ia kaba dei ban kren lada dei ban kynthoh kynthoh bad lada dei ban ia ka jingiaroh ai, la ong ba kumba kalong mynta ka rukom thoh khubor ka long tang ha Shillong,la kyntu ban peit ruh sha ki nongkyndong.
Ha ka juh ka por la ong ba ha kane ka juk jong ka jingkylla, khmih lynti ba kan don ruh ka jingpynbha ha ka kam thoh khubor, na ka sorkar kala sdang ban ialam ia ki nongthoh khubor sha kibynta jong ka jylla, kan ialam ruh sha bar ka jylla bad lada don ki khep sha bar ri ruh kum juh.
Ha ka por mynstep la ioh ia ka jingpynshai na ka Meghalaya Aids Control Society ia ka jingma na kane ka jingpang kala la saphriang sted ha kane ka jylla bad la antad katban kut mynta u snem kiba pang HIV/ Aids kin kot sha ka 10,000 ngut ha kajylla.
Ha kane ka sngi la btai ruh kumno ban shem la ki khubor ha ki social media ki long kiba shisha ne kiba shukor u Managing Editor ka Boom Live u Jency Jacobs u la pynshai kumno ban leh ban lap ia ki jngshisha la ka khubor ka long kaba dei ne kaba bakla.
Kiwei kiba la kren ha kane ka sngi ki long u Commissioner bad Secretary ka tnad pathai khubor ka sorkar jylla u Vijay Kumar Mantri, u President ka MEPA u bah Monarch Shabong, u Director ka DIPR u Malthus S Sangma, ha kane ka sngi la don lang ki ophisar na ka DIPR.
